ПРАГА. Сёньня на хуткаснай аўтамагістралі ля чэскай сталіцы зрабіў вымушаную пасадку двухмясцовы спартовы самалёт. Хуткасьць пасадкі была настолькі вялікай, што машыны не пасьпелі своечасова загамаваць. У выніку самалёт сутыкнуўся з аўтамабілем «Шкода» і турыстычным аўтобусам. Загінулі два чалавекі, якія знаходзіліся ў аўтамабілі. У аўтобусе, дзе ехалі нямецкія турысты, ніхто не пацярпеў.
