БАГДАД.Ірацкі Нацыянальны Кангрэс заклікае да скліканьня агульнанацыянальнай канфэрэнцыі, на якой будзе створаная пераходная адміністрацыя Іраку. Учора заходня інфармацыйныя агенствы паведамілі, што кіруемая ЗША адміністрацыя ў Іраку адмаўляецца ад ідэі скліканьня агульнанацыянальнай канфэрэнцыі, і замест гэтага прапаноўвае прызначыць раду з прадстаўнікоў Іраку, якая будзе дапамагаць сілам кааліцыі кіраваць краінай.
Прадстаўнік Ірацкага нацыянальнага Кангрэсу заявіў сёньня, што група з сямі палітычных лідэраў Іраку вырашыла склікаць агульнанацыянальную канферэнцыю без удзелу амэрыканцаў.
