ЛІЁН. Генеральны пракурор ЗША Джон Эшкрофт заявіў аб актыўным удзеле Злучаных Штатаў у пошуку скрадзеных ў Іраку культурных каштоўнасьцяў. Выступаючы на міжнароднай канферэнцыі ў французскім Ліёне ён сказаў, што магчыма, што марадзёрамі кіравалі злачынныя групоўкі. Генеральны пракурор ЗША сказаў, што “Ірак – гэта калыска цывілізацыі”, і ўсе скрадзеныя скарбы павінны вярнуцца ў краіну. “Крадзёж ірацкай спадчыны – парушэньне закону, гэта абраза гонару ірацкіх людзей, напад на каштоўнасьці цывілізацыі.”
У Ліёне адбываецца двухдзённае паседжаньне міжнародных мастацкіх экспэртаў і прадстаўнікоў правахоўчых ворганаў, наладжаная ІНТЭРПОЛАМ.
