БАГДАД. Амэрыканскае цэнтральнае камандаваньне кажа, што падчас учорашняга iнцыдэнту ў горадзе Фалуджа вайскоўцы ЗША першымi былi абстраляныя i распачалi вагонь у адказ.
Вайскоўцы абстралялі маніфэстацыю праціўнікаў амэрыканскай ваеннай прысутнасьці ў Іраку. Паведамляецца, што 13 удзельнікаў маніфэстацыі былі забітыя і прынамсi 45 – параненыя.
Сёньня ж у Маскве расейскi прэзыдэнт Уладзiмер Пуцiн заявiў, што мiжнародныя санкцыi супраць Іраку ня варта здымаць пакуль ня будзе пацьверджана, што ў краiне няма зброi масавага зьнiшчэньня. Пуцiн таксама зноўку заявiў, што ААН мусiць адыгрываць важную ролю ў пасьляваенным Іраку.
Прэсавы сакратар руху Ірацкi Нацыянальны Кангрэс паведамiў, што былы губэрнатар правінцыі Басра Валід Хамід Таўфік Аль-Тыкрыці здаўся прадстаўнiкам Кангрэсу i амэрыканскім вайскоўцам. Аднак амэрыканскае цэнтральнае камандаваньне пакуль не пацьвярджае гэтую iнфармацыю.
