ВАШЫНГТОН. Прэсавы сакратар амэрыканскiх войскаў заявiў, што iрацкая Рэспублiканская Гвардыя, якая абараняе Багдад, нясе цяжкiя страты ў вынiку бамбаваньняў сiламi каалiцыi. Генэрал-маёр Стэнлi МакКрыстал на брыфiнгу ў Пэнтагоне паведамiў, што самалёты каалiцыi за выходныя скiнулi на iрацкiя сiлы каля 3 тысячаў бомбаў. Паводле МакКрыстала, гэта болей за трацiну ад агульнай колькасьцi бомбаў, скiнутых на iрацкiя пазыцыi з пачатку вайны 21 сакавiка.
МакКрыстал сказаў, што паводле амэрыканскай разьведкi, iрацкае кiраўнiцтва цяпер спрабуе перакiнуць дадатковыя сiлы ў падразьдзяленьнi, якiя найбольш пацярпелi ад бамбаваньняў.
Тым часам мiнiстэрства абароны ЗША заявiла, што сваякi Садама Хусэйна спрабуюць пакiнуць Ірак.
