ЕРЭВАН. Звыш ста актывістаў апазыцыі арыштаваныя ў Армэніі пасьля прэзыдэнцкіх выбараў, якія адбыліся ў мінулую сераду. Пракуратура сёньня пацьвердзіла, што яны затрыманыя на 15 сутак. Армянская апазыцыя заяўляе, што вынікі выбараў фальсіфікаваныя. У выхадныя каля 40 тысяч чалавек правялі ў Ерэване дэманстрацыю пратэсту супраць падтасоўкі галасаваньня. Паводле апошніх дадзеных ЦВК, дзеючы прэзыдэнт Робэрт Качаран атрымаў 49,5 адсоткаў галасоў. У другім туры 5 сакавіка ягоным супернікам будзе Сьцяпан Дэмірчан.
