НАЙРОБІ. Упершыню за апошнія 25 гадоў у Кеніі адбудзецца зьмена кіруючай партыі. На прэзыдэнцкіх выбарах, што адбыліся ў пятніцу, перамог кандыдат апазыцыйнай “Нацыянальнай кааліцыі Вясёлкі” Мваі Кібакі. Апазыцыя атрымае таксама бальшыню ў парляманце. Кіраўнік групы назіральнікаў Эўразьвязу адзначыў, што выбары былі свабоднымі і сумленнымі і сталі істотным крокам на шляху да дэмакратызацыі Кеніі.