ВАШЫНГТОН. Адмiнiстрацыя прэзыдэнта ЗША Джорджа Буша паведамiла, што дзеля рэалiзацыi праекту супрацьракетнай абароны, якая часткова мае быць разгорнутай ужо ў 2004 годзе, папросiць у кангрэса паўтары мiльярды даляраў. У адказ на крытыку, што сыстэма занадта дарагая, прэзыдэнт Буш заявiў, што супрацьракетны шчыт стане першым крокам на шляху да стварэньня глябальнай сыстэмы абароны ад пагрозаў 21-га стагодзьдзя.
