БІШКЕК. Сёньня расейскi прэзыдэнт Уладзiмер Пуцiн прыбыў ў сталiцу Кыргыстану – Бiшкек. Гэта ягоны апошнi прыпынак у азiяцкiм турнэ. Перад тым Пуцiн наведаў Кiтай i Індыю. Адбылiся перамовы Пуцiна з прэзыдэнтам Кыргыстану Аскарам Акаевым. Бакi абмеркавалi праблемы барацьбы з тэрарызмам i стабiльнасьць у Цэнтральнай Азii. Пуцiн i Акаеў падпiсалi дэклярацыю пра супрацоўнiцтва ў галiне бясьпекi.
