ПЭКІН. Новы камуністычны лідар Кітаю Ху Цьзіньтаа заявіў, што асноўным курсам краіны будуць рынкавыя рэформы, але не падаў ніякай праграмы ажыцьцяўленьня гэтага курсу. Сёньня ж, у часе ўрачыстасьці ў Пэкіне журналістам быў аказаны новы склад Сталага камітэту палітбюро КПК, які быў пашыраны з сямі да дзевяці асобаў. Былы гэнэральны сакратар Цзян Цзэмінь захаваў за сабой пасаду старшыні Ваеннага камітэту КПК і будзе надалей кантраляваць самае вялікае войска ў сьвеце.
