Більбао, Гішпанія. Паліцыя ў гішпанскім горадзе Більбао папярэдзiла бомбавы замах, як мяркуецца, арганізаваны баскійскімі сэпаратыстамі. Паліцыя знайшла 30 кіляграмаў выбуховага рэчыва ў скрадзеным учора аўтамабілі. Новая спроба тэракту адбылася празь некалькі дзён пасьля таго, як улады ў Мадрыдзе забаранілі партыю “Батасуна” -- палітычнае крыло сэпаратысцкага руху баскаў.
