ВАШЫНГТОН. Міністар юстыцыі Злучаных Штатаў Джон Эшкрафт выставіў афіцыйнае абвінавачаньне ў справе аб выкраданьні й забойстве журналіста газэты Wall Street Journal Дэніэла Пэрла. Выступаючы на прэсавай канфэрэнцыі, Эшкрафт паведаміў, што ісьлямскі экстрэміст Ахмэд Амар Саід абвінавачваецца ва ўзяцьці закладніка, што прывяло да ягонай сьмерці. У выпадку пацьверджаньня віны Саіду пагражае сьмяротнае пакараньне.
