КІШЫНЭЎ. Прэзыдэнт Малдовы Ўладзімір Варонін зьняў сёньня з пасады міністра адукацыі Іліе Ванчу, чыя пастанова ўвесьці ў школах абавязковае выкладаньне расейскай мовы выклікала хвалю пратэстаў у краіне. Варонін прызначыў на месца Ванчы дэпутата-камуніста Георге Сіму, які прызнаў пастанову аб расейскай мове памылковай. Абавязковае выкладаньне ў школах Малдовы расейскай мовы было адмененае пасьля абвяшчэньня незалежнасьці краіны ў 1991 годзе.
