ВАШЫНГТОН. Злучаныя Штаты далі Расеі афіцыйнае абяцаньне не ствараць сталых вайсковых базаў у Цэнтральнай Азіі. Гэтае запэўненьне ўтрымваецца ў супольнай амэрыканска-расейскай заяве, падпісанай у выніку аднадзённых перамоваў наконт Афганістану, якія адбыліся ўчора ў Вашынгтоне. Амэрыканскія вайсковыя сілы карыстаюцца ваеннай базай Ханабад ва Ўзбэкістане і лётнішчам Манас каля кыргыскай сталіцы Бішкек.
