ЕРУСАЛІМ. Праваабарончая арганізацыя “Міжнародная амністыя” сёньня выступіла з крытыкай тактыкі ізраільскага войска, негуманных адносінаў да затрыманых і беспадстаўнага зьнішчэньня дамоў. Усё гэта, паводле “Міжнароднай амністыі”, – грубае парушэньне чацьвертага артыкулу Жэнэўскай канвэнцыі. “Міжнародная амністыя” таксама зганіла ісьлямскія арганізацыі “Хамас” і “Ісьлямскі джыгад” за самагубчыя тэрарыстычныя напады.
