ВАШЫНГТОН. Генэральны пракурор Злучаных Штатаў Джон Эшкрафт сказаў, што памагатыя тэрарыстаў, якія захапілі пасажырскія самалёты і ўчынілі добра скаардынаваныя тэрарыстычныя напады, усё яшчэ могуць быць на тэрыторыі Злучаных Штатаў. Эшкрафт папрасіў амэрыканскі Кангрэс даць яму шырэйшыя паўнамоцтвы для аблягчэньня пошуку злачынцаў, у прыватнасьці – дазвол на праслухоўваньне кватэраў, гатэльных пакояў, офісаў, тэлефонных лініяў, на кантроль электроннай пошты ды іншых камунікацыяў.
