Разам з тым Камітэт міністраў Рады паўтарыў "заклік да беларускіх уладаў стаць на шлях сур'ёзных палітычных рэформаў". Рада Эўропы таксама заклікала беларускі ўрад паступова вяртаць сваю краіну ў сям'ю эўрапейскіх дэмакратычных дзяржаваў, паскорыўшы працэс уступленьня Беларусі ў Раду Эўропы.
Першы намесьнік міністра замежных справаў Расеі Вячаслаў Трубнікаў, выступаючы на паседжаньні, заявіў, што аднаўленьне працэсу інтэграцыі Беларусі ў Раду Эўропы адпавядала б агульным інтарэсам. Паводле Трубнікава, ізаляцыя краіны ў цэнтры Эўропы не пайшла б на карысьць ані беларускім дэмакратычным рэформам, ані прэстыжу Рады Эўропы.