Аляксандар Рухля называе гэтыя рашэньні спробамі неяк залатаць дзіркі ў дзяржаўных кішэнях. Паводле Рухлі, улады не прыслухоўваюцца да тых навукоўцаў, якія папярэджваюць, што пражываньне на забруджаных тэрыторыях вельмі шкоднае, асабліва для наступных пакаленьняў.
Адметна, што ў Дзяржкамчарнобылі сёньня адмовіліся назваць колькасьць населеных пунктаў, якія былі выкрасьленыя цягам апошніх гадоў са сьпісу забруджаных. Чыноўнікі гэтай ўстановы папрасілі Радыё Свабода зрабіць дзеля гэтага афіцыйны пісьмовы запыт.