Пачынаецца падрыхтоўка да сьвяткаваньняў Дня Беларускае вайсковае славы 8 верасьня. Сёньня Юры Хадыка й Віктар Івашкевіч падалі ў Менскі гарадзкі выканаўчы камітэт заяву з просьбаю ўзгадніць плян сьвяткаваньня на вуліцах гораду. Урачыстасьці адбудуцца й на Крапівенскім полі, дзе 486 год таму войска Вялікага Княства Літоўскага начале з Канстанцінам Астроскім атрымала ўнікальную перамогу над інтэрвэнтамі Маскоўскага княства. У Менску акцыю плянуецца распачаць ускладаньнем кветак да помніку на пляцы Перамогі а 18-й гадзіне 8 верасьня. Затым па цэнтральнай частцы праспэкту імя Францішка Скарыны ўдзельнікі сьвята пройдуць да помніка Янку Купалу, дзе адбудзецца тэатралізаванае відовішча й канцэрт. Падрабязнасьці іх пакуль трымаюцца ў сакрэце. Арганізатары падкрэсьліваюць, што сьвяткаваньне даты 8 верасьня мае перадусім культурна-асьветніцкі характар. Мэтаю імпрэзы, як напісана ў заяве, зьяўляецца патрыятычнае выхаваньне маладога пакаленьня й «умацаваньне прыязных стасункаў з суседнімі народамі шляхам прапаганды гістарычнае праўды». Спадары Хадыка ды Івашкевіч прапануюць таксама Менскаму гарадзкому выканкаму далучыцца да сумеснага правядзеньня сьвята, а таксама зьвярнуцца ва ўрад краіны з прапановаю зрабіць дзень 8 верасьня агульнанацыянальным сьвятам. Ужо сталі традыцыйнымі й сьвяточныя фэсты на месцы, дзе адбылася гераічная бітва. Сёлета такі фэст на Крапівенскім полі пад Воршаю адбудзецца 9 верасьня. Яго ладзіць Культурна-асьветніцкі цэнтар імя Караткевіча. Пра тое, як будзе праходзіць сьвята, распавядае кіраўніца Цэнтру Ларыса Кудраўцава: (Кудраўцава: ) "Імша будзе. Алесь Пушкін ладзіць свой пэрформанс, які забаранілі ў Наваградку правесьці. Зьбіраемся запрасіць рыцарскія клюбы, ну а пасьля гэтага будзе ў нас бардаўскі канцэрт. Зьбіраемся запрасіць 10-15 бардаў. 9 верасьня мы будзем сустракаць гасьцей у 15 гадзін 15 хвілін на Прывакзальнай плошчы. Будуць замоўленыя аўтобусы, якія будуць перавозіць людзей з Воршы на месца гістарычнай бітвы – Крапівінскае поле". Дата 8 верасьня 1514 году зьяўляецца адной з самых яскравых старонах беларускае гісторыі. У незалежнай Беларусі, як і за савецкі час, Дзень вайсковае славы ніколі не адзначаўся на дзяржаўным узроўні. Ігнаруючы гісторыю, афіцыйныя ўлады апраўдваюцца тым, што ня хочуць абвастраць міжнацыянальныя стасункі.
Пачынаецца падрыхтоўка да сьвяткаваньняў Дня Беларускае вайсковае славы 8 верасьня. Сёньня Юры Хадыка й Віктар Івашкевіч падалі ў Менскі гарадзкі выканаўчы камітэт заяву з просьбаю ўзгадніць плян сьвяткаваньня на вуліцах гораду. Урачыстасьці адбудуцца й на Крапівенскім полі, дзе 486 год таму войска Вялікага Княства Літоўскага начале з Канстанцінам Астроскім атрымала ўнікальную перамогу над інтэрвэнтамі Маскоўскага княства. У Менску акцыю плянуецца распачаць ускладаньнем кветак да помніку на пляцы Перамогі а 18-й гадзіне 8 верасьня. Затым па цэнтральнай частцы праспэкту імя Францішка Скарыны ўдзельнікі сьвята пройдуць да помніка Янку Купалу, дзе адбудзецца тэатралізаванае відовішча й канцэрт. Падрабязнасьці іх пакуль трымаюцца ў сакрэце. Арганізатары падкрэсьліваюць, што сьвяткаваньне даты 8 верасьня мае перадусім культурна-асьветніцкі характар. Мэтаю імпрэзы, як напісана ў заяве, зьяўляецца патрыятычнае выхаваньне маладога пакаленьня й «умацаваньне прыязных стасункаў з суседнімі народамі шляхам прапаганды гістарычнае праўды». Спадары Хадыка ды Івашкевіч прапануюць таксама Менскаму гарадзкому выканкаму далучыцца да сумеснага правядзеньня сьвята, а таксама зьвярнуцца ва ўрад краіны з прапановаю зрабіць дзень 8 верасьня агульнанацыянальным сьвятам. Ужо сталі традыцыйнымі й сьвяточныя фэсты на месцы, дзе адбылася гераічная бітва. Сёлета такі фэст на Крапівенскім полі пад Воршаю адбудзецца 9 верасьня. Яго ладзіць Культурна-асьветніцкі цэнтар імя Караткевіча. Пра тое, як будзе праходзіць сьвята, распавядае кіраўніца Цэнтру Ларыса Кудраўцава: (Кудраўцава: ) "Імша будзе. Алесь Пушкін ладзіць свой пэрформанс, які забаранілі ў Наваградку правесьці. Зьбіраемся запрасіць рыцарскія клюбы, ну а пасьля гэтага будзе ў нас бардаўскі канцэрт. Зьбіраемся запрасіць 10-15 бардаў. 9 верасьня мы будзем сустракаць гасьцей у 15 гадзін 15 хвілін на Прывакзальнай плошчы. Будуць замоўленыя аўтобусы, якія будуць перавозіць людзей з Воршы на месца гістарычнай бітвы – Крапівінскае поле". Дата 8 верасьня 1514 году зьяўляецца адной з самых яскравых старонах беларускае гісторыі. У незалежнай Беларусі, як і за савецкі час, Дзень вайсковае славы ніколі не адзначаўся на дзяржаўным узроўні. Ігнаруючы гісторыю, афіцыйныя ўлады апраўдваюцца тым, што ня хочуць абвастраць міжнацыянальныя стасункі.