Выйшаў чарговы нумар газэты "Рабочы" Асноўная яго тэма вызначана словамі "Зьнікаюць людзі". Прападаюць палітычныя дзеячы, камэрсанты, зьнік вядомы тэлевізійны апэратар... Прападаюць і простыя людзі. Яны сьпіваюцца. Рыса, пасьля якой пачынаецца дэградацыя нацыі – гэта калі ўжываньне алкаголю на душу насельніцтва (у пераліку на чысты эцілавы сьпірытус) перавышае 8 літраў у год. За час праўленьня Лукашэнкі мы "пераскочылі" з 6 літраў да амаль што да 10. У пераліку на сям'ю з чатырох чалавек, мы выпіваем 192 бутэлькі гарэлкі ў год. Гэта значыць: сем'і п'юць праз дзень. Сумная статыстыка. Ёсьць тры алкагалічныя праўды. Праўда дзяржавы: патрэбна папаўняць бюджэт. Дзяржава зарабляе на гарэлцы шалёныя грошы. Праўда грамадзтва: катастрофа ўжо адбылася. Мы жывем ва ўмовах алкагалічнай пандэміі, якая ахапіла ўсё насельніцтва Беларусі. І праўда чалавека: хачу выпіць! Газета "Рабочы" засяроджвае ўвагу на тым, што ў барацьбу за чалавека ўступаюць грамадзкія арганізацыі, і расказвае пра адну з іх, якая завецца "Абуджэньне". Друкуюцца 8 правілаў для тых, хто хоча дапамагчы алкаголікам. "Брацкая магіла для менчукоў" – так называецца артыкул журналіста Ірыны Дубовік. Разглядаецца сытуацыя вакол імкненьня ўладаў разьмясьціць радыёактыўныя адыходы фактычна ў межах Менску. "Рабочы" дае слова старшыні экалягічнай Партыі зялёных Міхаілу Фрыдлянду, які выказвае меркаваньне: ці ня хоча наш урад ператварыць Менск у радыёактыўны сьметнік для ўсёй Эўропы? Старонка "Маё права" дае кансультацыю юрыста, а таксама зьвяртае ўвагу на "наезд" уладаў на Аб'яднаную Грамадзянскую партыю: у Мінюсту з явіліся прэтэнзіі да пячаткі і блянкаў АГП. Дробязь? Але фармальна АГП могуць зараз закрыць у любы момант. Шостая старонка "Рабочага" традыцыйна знаёміць чытачоў з тымі, хто ўваходзіць у Кангрэс дэмакратычных сілаў Беларусі. Сёньня на старонцы – Таварыства беларускай мовы імя Францішка Скарыны. Як заўсёды, цікавай атрымалася сёмая старонка – "Мой сусьвет". 80 гадоў таму на Беларусі грымелі баі – ішла савецка-польская вайна, Беларусь была асноўным тэатрам ваенных дзеяньняў. Прычыны вайны і яе наступствы – гэта тэма артыкулу "Будзёнаўкі і канфэдэраткі. Беларусь паміж Леніным і Пілсудзкім". Адметнай рысай газэты сталі яе тэматычныя старонкі. У гэтым нумары вас цешыць добрымі парадамі "Удачная дача". Завяршае штотыднёвік "Рабочы" "Беларускі каляндар", у якім успамінаецца Крэўская ўнія (пагадненьне аб хаўрусе). Было гэта 14 жніўня.
Выйшаў чарговы нумар газэты "Рабочы" Асноўная яго тэма вызначана словамі "Зьнікаюць людзі". Прападаюць палітычныя дзеячы, камэрсанты, зьнік вядомы тэлевізійны апэратар... Прападаюць і простыя людзі. Яны сьпіваюцца. Рыса, пасьля якой пачынаецца дэградацыя нацыі – гэта калі ўжываньне алкаголю на душу насельніцтва (у пераліку на чысты эцілавы сьпірытус) перавышае 8 літраў у год. За час праўленьня Лукашэнкі мы "пераскочылі" з 6 літраў да амаль што да 10. У пераліку на сям'ю з чатырох чалавек, мы выпіваем 192 бутэлькі гарэлкі ў год. Гэта значыць: сем'і п'юць праз дзень. Сумная статыстыка. Ёсьць тры алкагалічныя праўды. Праўда дзяржавы: патрэбна папаўняць бюджэт. Дзяржава зарабляе на гарэлцы шалёныя грошы. Праўда грамадзтва: катастрофа ўжо адбылася. Мы жывем ва ўмовах алкагалічнай пандэміі, якая ахапіла ўсё насельніцтва Беларусі. І праўда чалавека: хачу выпіць! Газета "Рабочы" засяроджвае ўвагу на тым, што ў барацьбу за чалавека ўступаюць грамадзкія арганізацыі, і расказвае пра адну з іх, якая завецца "Абуджэньне". Друкуюцца 8 правілаў для тых, хто хоча дапамагчы алкаголікам. "Брацкая магіла для менчукоў" – так называецца артыкул журналіста Ірыны Дубовік. Разглядаецца сытуацыя вакол імкненьня ўладаў разьмясьціць радыёактыўныя адыходы фактычна ў межах Менску. "Рабочы" дае слова старшыні экалягічнай Партыі зялёных Міхаілу Фрыдлянду, які выказвае меркаваньне: ці ня хоча наш урад ператварыць Менск у радыёактыўны сьметнік для ўсёй Эўропы? Старонка "Маё права" дае кансультацыю юрыста, а таксама зьвяртае ўвагу на "наезд" уладаў на Аб'яднаную Грамадзянскую партыю: у Мінюсту з явіліся прэтэнзіі да пячаткі і блянкаў АГП. Дробязь? Але фармальна АГП могуць зараз закрыць у любы момант. Шостая старонка "Рабочага" традыцыйна знаёміць чытачоў з тымі, хто ўваходзіць у Кангрэс дэмакратычных сілаў Беларусі. Сёньня на старонцы – Таварыства беларускай мовы імя Францішка Скарыны. Як заўсёды, цікавай атрымалася сёмая старонка – "Мой сусьвет". 80 гадоў таму на Беларусі грымелі баі – ішла савецка-польская вайна, Беларусь была асноўным тэатрам ваенных дзеяньняў. Прычыны вайны і яе наступствы – гэта тэма артыкулу "Будзёнаўкі і канфэдэраткі. Беларусь паміж Леніным і Пілсудзкім". Адметнай рысай газэты сталі яе тэматычныя старонкі. У гэтым нумары вас цешыць добрымі парадамі "Удачная дача". Завяршае штотыднёвік "Рабочы" "Беларускі каляндар", у якім успамінаецца Крэўская ўнія (пагадненьне аб хаўрусе). Было гэта 14 жніўня.