Працягваецца канфлікт паміж Інстытутам радыяцыйнае бясьпекі "Белрад" і Міністэрствам аховы здароўя. Дырэктар інстытуту, прафэсар Васіль Несьцярэнка лічыць, што міністэрства зробіць усё магчымае, каб прыпыніць дзейнасьць інстытуту. У інтэрвію нашаму радыё спадар Несьцярэнка паведаміў, што вырашыў ня браць удзелу ў нарадзе Міністэрства аховы здароўя, што была прысьвечана дзейнасьці ягонага інстытуту. Васіль Несьцярэнка паведаміў: "Я лічу так – калі я прад'яўляю прэтэнзіі Міністэрству аховы здароўя і пішу пра гэта ліст ва ўрад, а потым міністэрства прызначаецца арбітрам у гэтай справе – дык гэта ёсьць парушэньнем парадку разгляду прэтэнзіяў. Тым больш, што нашыя прэтэнзіі да міністэрства былі прызнаныя міжнароднай экспэртнай камісіяй", – лічыць Васіль Несьцярэнка. Паводле меркаваньня дырэктара "Белраду", пытаньне пра далейшую дзейнасьць інстытуту ня можа разглядаць Міністэрства аховы здароўя, бо яно зацікаўленае ў гэтае справе. Васіль Несьцярэнка лічыць, што пытаньне мусіць разглядаць нехта зь віцэ-прэм'ераў ураду. Чаму Міністэрства аховы здароўя зацікаўленае ў прыпыненьні дзейнасьці інстытуту, спадар Несьцярэнка тлумачыць так: "Яны памыліліся ў каталёгу дозаў – у нас ёсьць вынікі вымярэньняў. Што тычыцца радыяцыйнага кантролю харчовых прадуктаў, у параўнаньні з Расеяй у нас у дачыненьні да малака нормы ўдвая вышэйшыя, да мяса – утрая. Няма дозавай мяжы для дзяцей, яна тут утрая вышэйшая, чым на Захадзе. Адсюль захворваньні дзяцей. Міністэрства ня хоча прызнаваць як сродак апэратыўнага кантролю за ўтрыманьнем радыенуклідаў у дзяцей спэктромэтры выпраменьваньня чалавека. Праца прафэсара Юрыя Бандажэўскага паказала, што, калі параўнаць назапашваньне радыенуклідаў з захворваньнямі ў дзяцей, усё становіцца зразумелым – на якіх узроўнях забруджваньня пачынаецца паталёгія…", – распавёў прафэсар Несьцярэнка. Дырэктар "Белраду" мяркуе, што Міністэрства аховы здароўя паспрабуе зрабіць усё магчымае, каб пераканаць урад, нібы інстытут ня можа рабіць наўпроставыя вымярэньні дозаў у беларусаў. Некаторыя спадзяваньні ў Несьцярэнкі выклікала сустрэча зь міністрам юстыцыі Генадзем Варанцовым, якая адбылася ўчора. Варанцоў запэўніў Васіля Несьцярэнку, што праблемы, зь якімі сутыкнуўся інстытут "Белрад" пад час перарэгістрацыі, магчыма вырашыць.
Працягваецца канфлікт паміж Інстытутам радыяцыйнае бясьпекі "Белрад" і Міністэрствам аховы здароўя. Дырэктар інстытуту, прафэсар Васіль Несьцярэнка лічыць, што міністэрства зробіць усё магчымае, каб прыпыніць дзейнасьць інстытуту. У інтэрвію нашаму радыё спадар Несьцярэнка паведаміў, што вырашыў ня браць удзелу ў нарадзе Міністэрства аховы здароўя, што была прысьвечана дзейнасьці ягонага інстытуту. Васіль Несьцярэнка паведаміў: "Я лічу так – калі я прад'яўляю прэтэнзіі Міністэрству аховы здароўя і пішу пра гэта ліст ва ўрад, а потым міністэрства прызначаецца арбітрам у гэтай справе – дык гэта ёсьць парушэньнем парадку разгляду прэтэнзіяў. Тым больш, што нашыя прэтэнзіі да міністэрства былі прызнаныя міжнароднай экспэртнай камісіяй", – лічыць Васіль Несьцярэнка. Паводле меркаваньня дырэктара "Белраду", пытаньне пра далейшую дзейнасьць інстытуту ня можа разглядаць Міністэрства аховы здароўя, бо яно зацікаўленае ў гэтае справе. Васіль Несьцярэнка лічыць, што пытаньне мусіць разглядаць нехта зь віцэ-прэм'ераў ураду. Чаму Міністэрства аховы здароўя зацікаўленае ў прыпыненьні дзейнасьці інстытуту, спадар Несьцярэнка тлумачыць так: "Яны памыліліся ў каталёгу дозаў – у нас ёсьць вынікі вымярэньняў. Што тычыцца радыяцыйнага кантролю харчовых прадуктаў, у параўнаньні з Расеяй у нас у дачыненьні да малака нормы ўдвая вышэйшыя, да мяса – утрая. Няма дозавай мяжы для дзяцей, яна тут утрая вышэйшая, чым на Захадзе. Адсюль захворваньні дзяцей. Міністэрства ня хоча прызнаваць як сродак апэратыўнага кантролю за ўтрыманьнем радыенуклідаў у дзяцей спэктромэтры выпраменьваньня чалавека. Праца прафэсара Юрыя Бандажэўскага паказала, што, калі параўнаць назапашваньне радыенуклідаў з захворваньнямі ў дзяцей, усё становіцца зразумелым – на якіх узроўнях забруджваньня пачынаецца паталёгія…", – распавёў прафэсар Несьцярэнка. Дырэктар "Белраду" мяркуе, што Міністэрства аховы здароўя паспрабуе зрабіць усё магчымае, каб пераканаць урад, нібы інстытут ня можа рабіць наўпроставыя вымярэньні дозаў у беларусаў. Некаторыя спадзяваньні ў Несьцярэнкі выклікала сустрэча зь міністрам юстыцыі Генадзем Варанцовым, якая адбылася ўчора. Варанцоў запэўніў Васіля Несьцярэнку, што праблемы, зь якімі сутыкнуўся інстытут "Белрад" пад час перарэгістрацыі, магчыма вырашыць.