Фактычна завершанае сьледзтва ў справе Юліі Чыгір, якую абвінавачваюць ў аказаньні супраціву і стварэньні перашкодаў міліцыі. Сьледчым хапіла двух тыдняў, каб сабраць доказы віны жонкі былога прам'ера Беларусі. Сёньня Юлія Чыгір была выкліканая да сьледчага, але ўжо не на допыт, а для азнаямленьня з матэрыяламі справы, якую ўзбудзіла супраць яе Фрунзенская пракуратура Менску. Гэта азначае, што расьсьледаваньне фактычна завершанае. Двух тыдняў хапіла сьледчаму Зьміцеру Шкарпуту, каб сабраць доказы віны жонкі Чыгіра, якая ў апошні дзень суду над яе мужам, баронячы сябе, у сутычцы з міліцыяй укусіла за вуха маёра Амельчанку. Зь якімі дакладна матэрыяламі знаёмілася Юлія Чыгір, яна распавесьці ня можа, паколькі існуе тайна сьледзтва. А вось даць ацэнку сабраным сьледчым доказам яна бярэцца. (Юлія Чыгір: ) "Што тут можна ацэньваць, калі я праз тыдзень пасьля таго, як напісала сваю заяву, як мяне першы раз паклікалі да сьледчага пракуратуры. Я ўзяла з сабой трох сьведкаў, якія былі там на месцы. Але сьледчы ня стаў дапытваць іх, сказаўшы, што такой неабходнасьці пакуль няма". Юлія Чыгір па-ранейшым адмаўляецца перадаць сьледзтву відэастужку падзеяў, якія будуць разьбірацца ў судзе. Жонка экс-прам'ера сьцьвярджае, што міліцыянты, якія сьведчаць супраць яе, знаходзіліся зусім ў іншых месцах, што бачна на стужцы, якую яна прадаставіць суду. Увогуле, Юлія Чыгір перакананая, што сутычка грамадзянаў з міліцыяй 19 траўня на ганку гарадзкога суду была падрыхтаванай правакацыяй супраць сям'і Чыгіроў. (Юлія Чыгір: ) "Там яскраава відаць, як правакуюць Лёшу на проціпраўныя дзеяньні і як хочуць паставіць на калені майго малодшага сына Сашу. Таму я не шкадую, што ў той момант патрабавала іхнага допуску да судовага працэсу. Я хацела, каб дзеці былі побач са мной. Я ўберагла іх ад проціпраўных дзеяньняў міліцыі да іх". Юліі Чыгір цяпер пагражае пазбаўленьне волі за аказаньне супраціву міліцыі. Як толькі жонка экс-прам'ера завершыць азнаямленьне з матэрыяламі, справа будзе перададзеная ў Фрунзенскі раённы суд. Сьледчы Зьміцер Шкурбіта, які вёў расьсьледаваньне, не выключае, што гэта адбудзецца ўжо на гэтым тыдні. Сам сьледчы заявіў Радыё Свабода, што доказаў віны Юліі Чыгір сабраў дастаткова.
Фактычна завершанае сьледзтва ў справе Юліі Чыгір, якую абвінавачваюць ў аказаньні супраціву і стварэньні перашкодаў міліцыі. Сьледчым хапіла двух тыдняў, каб сабраць доказы віны жонкі былога прам'ера Беларусі. Сёньня Юлія Чыгір была выкліканая да сьледчага, але ўжо не на допыт, а для азнаямленьня з матэрыяламі справы, якую ўзбудзіла супраць яе Фрунзенская пракуратура Менску. Гэта азначае, што расьсьледаваньне фактычна завершанае. Двух тыдняў хапіла сьледчаму Зьміцеру Шкарпуту, каб сабраць доказы віны жонкі Чыгіра, якая ў апошні дзень суду над яе мужам, баронячы сябе, у сутычцы з міліцыяй укусіла за вуха маёра Амельчанку. Зь якімі дакладна матэрыяламі знаёмілася Юлія Чыгір, яна распавесьці ня можа, паколькі існуе тайна сьледзтва. А вось даць ацэнку сабраным сьледчым доказам яна бярэцца. (Юлія Чыгір: ) "Што тут можна ацэньваць, калі я праз тыдзень пасьля таго, як напісала сваю заяву, як мяне першы раз паклікалі да сьледчага пракуратуры. Я ўзяла з сабой трох сьведкаў, якія былі там на месцы. Але сьледчы ня стаў дапытваць іх, сказаўшы, што такой неабходнасьці пакуль няма". Юлія Чыгір па-ранейшым адмаўляецца перадаць сьледзтву відэастужку падзеяў, якія будуць разьбірацца ў судзе. Жонка экс-прам'ера сьцьвярджае, што міліцыянты, якія сьведчаць супраць яе, знаходзіліся зусім ў іншых месцах, што бачна на стужцы, якую яна прадаставіць суду. Увогуле, Юлія Чыгір перакананая, што сутычка грамадзянаў з міліцыяй 19 траўня на ганку гарадзкога суду была падрыхтаванай правакацыяй супраць сям'і Чыгіроў. (Юлія Чыгір: ) "Там яскраава відаць, як правакуюць Лёшу на проціпраўныя дзеяньні і як хочуць паставіць на калені майго малодшага сына Сашу. Таму я не шкадую, што ў той момант патрабавала іхнага допуску да судовага працэсу. Я хацела, каб дзеці былі побач са мной. Я ўберагла іх ад проціпраўных дзеяньняў міліцыі да іх". Юліі Чыгір цяпер пагражае пазбаўленьне волі за аказаньне супраціву міліцыі. Як толькі жонка экс-прам'ера завершыць азнаямленьне з матэрыяламі, справа будзе перададзеная ў Фрунзенскі раённы суд. Сьледчы Зьміцер Шкурбіта, які вёў расьсьледаваньне, не выключае, што гэта адбудзецца ўжо на гэтым тыдні. Сам сьледчы заявіў Радыё Свабода, што доказаў віны Юліі Чыгір сабраў дастаткова.