Прадстаўнікі Каардынацыйнае рады дэмакратычных сілаў пацьвердзілі сёньня рашэньне аргкамітэту "Чарнобыльскага Шляху" аб правядзеньні акцыі 26 красавіка у ранейшым фармаце. Разам з тым, апазыцыянэры не выключаюць кампрамісу з уладамі. Сябры Каардынацыйнае рады лічаць заўчасным правядзеньне ў чэрвені Ўсебеларускага зьезду. Прадстаўнікі апазыцыйных партыяў, што ўваходзяць у Каардынацыйную раду, занятыя цяпер пераважна тэхнічнымі праблемамі падрыхтоўкі да "Чарнобыльскага Шляху". Таму на сёньняшнім паседжаньні абмяркоўваліся пытаньні інфармацыйнага забесьпячэньня акцыі, праблема захаваньня парадку ў часе праходу калёны й г.д. Разам з тым, сябры рады з насьцярожанасьцю адзначалі, што ўлады не выяўляюць аніякае ўвагі да "Чарнобыльскага Шляху". Лідэры апазыцыі рыхтуюцца да любога варыянту рэакцыі ўладаў на маніфэстацыю 26 красавіка, але ўсё ж спадзяюцца, што ў іх хопіць розуму й развагі знайсьці кампраміс з арганізатарамі Шляху. Гаворыць старшыня АГП Анатоль Лябедзька: (Лябедзька: ) "Заўтра апошні дзень, калі гарвыканкам павінен даць адказ на пісьмовы зварот грамадзянаў аб правядзеньні акцыі Чарнобыльскі Шлях. Заўтра мы будзем ведаць рэакцыю выканкаму, а сёньня ўсё застаецца ў межах фармату, які быў пададзены ў гарвыканкам. Той жа маршрут, той жа час, той жа збор на плошчы Якуба Коласа а 18 гадзіне і маршрут да плошчы Незалежнасьці. Мы не выключаем таго, што калі будзе прынятае іншае рашэньне, дык магчымы перамоўны працэс і спробы нейкага кампраміснага рашэньня. Мы да гэтага гатовыя і падрыхтаваныя", – паведаміў спадар Лябедзька. Паводле ягоных словаў, сваё жаданьне прысутнічаць на "Чарнобыльскім Шляху" пацьвердзілі групы дэпутатаў Чэскага парлямэнту, Бундэстагу Нямеччыны й Дзяржаўнае думы Расеі. На абмеркаваньне Каардынацыйнае рады было таксама вынесенае пытаньне правядзеньня ў бліжэйшы час Кангрэсу дэмакратычных сілаў. Вось якія аргумэнты на карысьць правядзеньня кангрэсу ў чэрвені прывёў Анатоль Лябедзька: (Лябедзька: ) "Пытаньне аб выбарах стаіць у парадку дня. Яно вельмі актуальнае, важнае. І натуральна, што перамога будзе тады, калі дэмакратычныя сілы зоймуць аднолькавую пазыцыю, калі ў іх будзе выпрацаваны кансалідаваны падыход да гэтых выбараў", – лічыць спадар Лябедзька. На думку старшыні АГП, лепшы час для правядзеньня Кангрэсу дэмакратычных сілаў – канец чэрвеня, бо ў ліпені пачнецца чарговая парлямэнцкая сэсія АБСЭ й беларуская дэлегацыя магла б на ёй агучыць рашэньні кангрэсу. Тым ня менш, гэтае пытаньне апазыцыянэры будуць яшчэ абмяркоўваць. А вось адносна прызначанага на чэрвень Усебеларускага зьезду думка сябраў Каардынацыйнае рады адназначная – праводзіць яго трэба тады, калі будзе зробленая ўся неабходная падрыхтоўчая праца. Анатоль Лябедзька, напрыклад, лічыць, што зьезд стане падзеяй, калі пра яго будуць гаварыць людзі ў кожнай беларускай вёсцы. А дамагчыся гэтага можна толькі, калі тысячы апазыцыйных актывістаў будуць актыўна працаваць з жыхарамі краіны. Сябры рады таксама лічаць, што лепш праводзіць зьезд у час, калі зноў абвострыцца інтэграцыйная тэма, – прынамсі, гэта было б разумна з палітычнага пункту гледжаньня. Рада таксама прыняла заяву ў падтрымку сьвятароў Яна Спасюка й Зьбігнева Кароляка, якіх перасьледуюць улады. Апазыцыянэры лічаць, што перасьлед гэтых духоўных асобаў ёсьць праяваю непавагі да правоў вернікаў.
Прадстаўнікі Каардынацыйнае рады дэмакратычных сілаў пацьвердзілі сёньня рашэньне аргкамітэту "Чарнобыльскага Шляху" аб правядзеньні акцыі 26 красавіка у ранейшым фармаце. Разам з тым, апазыцыянэры не выключаюць кампрамісу з уладамі. Сябры Каардынацыйнае рады лічаць заўчасным правядзеньне ў чэрвені Ўсебеларускага зьезду. Прадстаўнікі апазыцыйных партыяў, што ўваходзяць у Каардынацыйную раду, занятыя цяпер пераважна тэхнічнымі праблемамі падрыхтоўкі да "Чарнобыльскага Шляху". Таму на сёньняшнім паседжаньні абмяркоўваліся пытаньні інфармацыйнага забесьпячэньня акцыі, праблема захаваньня парадку ў часе праходу калёны й г.д. Разам з тым, сябры рады з насьцярожанасьцю адзначалі, што ўлады не выяўляюць аніякае ўвагі да "Чарнобыльскага Шляху". Лідэры апазыцыі рыхтуюцца да любога варыянту рэакцыі ўладаў на маніфэстацыю 26 красавіка, але ўсё ж спадзяюцца, што ў іх хопіць розуму й развагі знайсьці кампраміс з арганізатарамі Шляху. Гаворыць старшыня АГП Анатоль Лябедзька: (Лябедзька: ) "Заўтра апошні дзень, калі гарвыканкам павінен даць адказ на пісьмовы зварот грамадзянаў аб правядзеньні акцыі Чарнобыльскі Шлях. Заўтра мы будзем ведаць рэакцыю выканкаму, а сёньня ўсё застаецца ў межах фармату, які быў пададзены ў гарвыканкам. Той жа маршрут, той жа час, той жа збор на плошчы Якуба Коласа а 18 гадзіне і маршрут да плошчы Незалежнасьці. Мы не выключаем таго, што калі будзе прынятае іншае рашэньне, дык магчымы перамоўны працэс і спробы нейкага кампраміснага рашэньня. Мы да гэтага гатовыя і падрыхтаваныя", – паведаміў спадар Лябедзька. Паводле ягоных словаў, сваё жаданьне прысутнічаць на "Чарнобыльскім Шляху" пацьвердзілі групы дэпутатаў Чэскага парлямэнту, Бундэстагу Нямеччыны й Дзяржаўнае думы Расеі. На абмеркаваньне Каардынацыйнае рады было таксама вынесенае пытаньне правядзеньня ў бліжэйшы час Кангрэсу дэмакратычных сілаў. Вось якія аргумэнты на карысьць правядзеньня кангрэсу ў чэрвені прывёў Анатоль Лябедзька: (Лябедзька: ) "Пытаньне аб выбарах стаіць у парадку дня. Яно вельмі актуальнае, важнае. І натуральна, што перамога будзе тады, калі дэмакратычныя сілы зоймуць аднолькавую пазыцыю, калі ў іх будзе выпрацаваны кансалідаваны падыход да гэтых выбараў", – лічыць спадар Лябедзька. На думку старшыні АГП, лепшы час для правядзеньня Кангрэсу дэмакратычных сілаў – канец чэрвеня, бо ў ліпені пачнецца чарговая парлямэнцкая сэсія АБСЭ й беларуская дэлегацыя магла б на ёй агучыць рашэньні кангрэсу. Тым ня менш, гэтае пытаньне апазыцыянэры будуць яшчэ абмяркоўваць. А вось адносна прызначанага на чэрвень Усебеларускага зьезду думка сябраў Каардынацыйнае рады адназначная – праводзіць яго трэба тады, калі будзе зробленая ўся неабходная падрыхтоўчая праца. Анатоль Лябедзька, напрыклад, лічыць, што зьезд стане падзеяй, калі пра яго будуць гаварыць людзі ў кожнай беларускай вёсцы. А дамагчыся гэтага можна толькі, калі тысячы апазыцыйных актывістаў будуць актыўна працаваць з жыхарамі краіны. Сябры рады таксама лічаць, што лепш праводзіць зьезд у час, калі зноў абвострыцца інтэграцыйная тэма, – прынамсі, гэта было б разумна з палітычнага пункту гледжаньня. Рада таксама прыняла заяву ў падтрымку сьвятароў Яна Спасюка й Зьбігнева Кароляка, якіх перасьледуюць улады. Апазыцыянэры лічаць, што перасьлед гэтых духоўных асобаў ёсьць праяваю непавагі да правоў вернікаў.