Дзяжурныя службы беларускае міліцыі перайшлі на асаблівы рэжым працы узмацнілі ахову мейсцаў масавага скапленьня людзей, дыпляматычных прадстаўніцтваў, транспарту й сыстэмаў забесьпячэньня, а таксама мейсцаў дысьлякацыі сваіх аддзелаў. Гэтак беларуская міліцыя адказала на тэрарыстычныя акты апошніх дзён у Маскве. Сёньняшні тэрарыстычны акт у Маскве падштурхнуў кіраўніцтва беларускае міліцыі да захадаў асаблівага характару. Паводле заявы прэсавае службы міністэрства нутраных справаў, на загад міністра Сівакова зь сёньняшняга дня ў асаблівым рэжыме будуць працаваць дзяжурныя службы міліцыі. Што гэта азначае на самай справе, у прэсавай службе патлумачылі наступным чынам: "узмацняецца пільнасьць пастоў і дзяжурных, яны інструктуюцца на выпадак экстрэмальных сытуацыяў". Таксама ў заяве паведамляецца пра ўзмацненьне аховы міліцэйскіх частак і, асабліва, мейсцаў захаваньня зброі ды боезапасаў. З аб'ектаў, якія знаходзяцца пад аховаю міліцыі, асаблівая ўвага надаецца дыпляматычным місіям, транспарту й сыстэмам забесьпячэньня жыцьцяздольнасьці населеных пунктаў і гарадоў. Беларуская міліцыя безпасярэдне заяўляе, супраць каго прадпрыймаюцца дадатковыя захады супраць "тэрарыстаў, гандляроў зброяй, лідэраў арганізаванай злачыннасьці, наркадзялкоў, нелегальных эмігрантаў ды асобаў, схільных да несанкцыянаваных раскопак у мейсцах былых баёў". За ўсімі гэтымі людзьмі міліцыя абяцае ўзмацніць кантроль і розныя прэвэнтыўныя захады. Яны будут датычыць нават грамадзянаў іншых краінаў. Паведамляецца, што будзе абмежавана выдача ўязных візаў іншаземцам, якія падазраюцца ў сувязях з тэрарыстычнымі групоўкамі, а таксама прыпыненая выдача дазволаў на ўвоз розных выбуховых прыстасаваньняў. Прэсавая служба міністэрства нутраных справаў заяўляе пра сваю ўпэўненасьць у тым, што сумеснымі разам з насельніцтвам намаганьнямі ўдасца не дапусьціць тэрарыстычных актаў у Беларусі. Між тым на вуліцах Менску пакуль не заўважана ўзмоцненых патрулёў міліцыі. У звычайным рэжыме працуюць і службы, якія нясуць ахову дзяржаўных будынкаў. Спэцыялісты ня выключаюць, што заява міністэрства нутраных справаў ставіць галоўнай мэтаю не дапусьціць панічных настрояў сярод насельніцтва.
Дзяжурныя службы беларускае міліцыі перайшлі на асаблівы рэжым працы узмацнілі ахову мейсцаў масавага скапленьня людзей, дыпляматычных прадстаўніцтваў, транспарту й сыстэмаў забесьпячэньня, а таксама мейсцаў дысьлякацыі сваіх аддзелаў. Гэтак беларуская міліцыя адказала на тэрарыстычныя акты апошніх дзён у Маскве. Сёньняшні тэрарыстычны акт у Маскве падштурхнуў кіраўніцтва беларускае міліцыі да захадаў асаблівага характару. Паводле заявы прэсавае службы міністэрства нутраных справаў, на загад міністра Сівакова зь сёньняшняга дня ў асаблівым рэжыме будуць працаваць дзяжурныя службы міліцыі. Што гэта азначае на самай справе, у прэсавай службе патлумачылі наступным чынам: "узмацняецца пільнасьць пастоў і дзяжурных, яны інструктуюцца на выпадак экстрэмальных сытуацыяў". Таксама ў заяве паведамляецца пра ўзмацненьне аховы міліцэйскіх частак і, асабліва, мейсцаў захаваньня зброі ды боезапасаў. З аб'ектаў, якія знаходзяцца пад аховаю міліцыі, асаблівая ўвага надаецца дыпляматычным місіям, транспарту й сыстэмам забесьпячэньня жыцьцяздольнасьці населеных пунктаў і гарадоў. Беларуская міліцыя безпасярэдне заяўляе, супраць каго прадпрыймаюцца дадатковыя захады супраць "тэрарыстаў, гандляроў зброяй, лідэраў арганізаванай злачыннасьці, наркадзялкоў, нелегальных эмігрантаў ды асобаў, схільных да несанкцыянаваных раскопак у мейсцах былых баёў". За ўсімі гэтымі людзьмі міліцыя абяцае ўзмацніць кантроль і розныя прэвэнтыўныя захады. Яны будут датычыць нават грамадзянаў іншых краінаў. Паведамляецца, што будзе абмежавана выдача ўязных візаў іншаземцам, якія падазраюцца ў сувязях з тэрарыстычнымі групоўкамі, а таксама прыпыненая выдача дазволаў на ўвоз розных выбуховых прыстасаваньняў. Прэсавая служба міністэрства нутраных справаў заяўляе пра сваю ўпэўненасьць у тым, што сумеснымі разам з насельніцтвам намаганьнямі ўдасца не дапусьціць тэрарыстычных актаў у Беларусі. Між тым на вуліцах Менску пакуль не заўважана ўзмоцненых патрулёў міліцыі. У звычайным рэжыме працуюць і службы, якія нясуць ахову дзяржаўных будынкаў. Спэцыялісты ня выключаюць, што заява міністэрства нутраных справаў ставіць галоўнай мэтаю не дапусьціць панічных настрояў сярод насельніцтва.