Старшыня Цэнтральнай Выбарчай Камісіі Віктар Ганчар быў гвалтоўна затрыманы і асуджаны на 10 сутак арышту. 30 мільёнаў рублёў штрафу атрымаў сябра Цэнтральнай Выбарчай Камісіі Генадзь Самойленка. Паседжаньне Цэнтральнай Выбарчай Камісіі прайшло без старшыні. Віктар Ганчар у 13.30 быў гвалтоўна затрыманы на вуліцы Кісялёва, 5. Сьведкам затрыманьня Ганчара стаў прэсавы сакратар «Хартыі-97» Алег Бябенін, які паведаміў нашаму радыё: (Бябенін:) «Машына з Ганчаром стаяла каля дома, да яе падыйшлі тры супрацоўнікі міліцыі ў форме і запатрабавалі ад Ганчара выйсьці, каб яго арыштаваць. Але ж ён адмовіўся гэта зрабіць, заблякаваў дзьверы ў машыне і зрабіў спробу ад'ехаць. Тады пад'ехалі міліцэйскія машыны і заблякавалі ягоную BMW з трох бакоў сьпераду, ззаду і збоку і міліцыянт з трох спробаў выбіў бакавую шыбіну, адчыніў дзьверы, і Ганчару заламалі рукі, засадзілі ў гэтую «Волгу» і зьвезьлі. Тамсама побач стаяла машына Ганчара з разьбітай бакавой шыбінай і было шмат супрацоўнікаў міліцыі, у тым ліку гарадзкое міліцэйскае начальства, напрыклад палкоўнік Дрозд. На нашыя пытаньні яны адказваць адмовіліся». Адразу пасьля гвалтоўнага затрыманьня Ганчара даставілі ў апорны пункт Ленінскага РАЎСу Менску. Тамсама, на месцы, распачаўся закрыты суд. Журналістаў на суд не дапусьцілі. Судзьдзя Зянькевіч інкрымінавала Ганчару парушэньне артыкулу 167 адміністрацыйнага кодэксу за мінулае паседжаньне ЦВК і вынесла прысуд: 10 сутак адміністрацыйнага арышту. Пра гэта сама судзьдзя Зянькевіч заявіла дэпутату Шчукіну. Як паведамілі міліцыянты, з апорнага пункту Ганчара завезьлі ў спэцразьмеркавальнік на Акрэсьціна. Пазьней у той самы апорны пункт быў дастаўлены іншы сябар ЦВК Генадзь Самойленка, якому судзьдзя Церашкова вынесла прысуд 30 мільёнаў рублёў штрафу. Цэнтральная Выбарчая Камісія зрабіла заяву з нагоды затрыманьня Ганчара. Як паведаміў нашаму радыё сакратар ЦВК Барыс Гюнтэр... (Гюнтэр:) «ЦВК як кіраўнічы ворган дзяржавы рашуча пратэстуе супраць дзеяньняў уладных структураў. Гэта звычайнае крымінальнае злачынства і падпадае якраз пад крымінальную адказнасьць, і дастаткова моцную. Гэта злоўжываньне службовым становішчам. Гэта дзяржаўнае злачынства». Адразу пасьля паседжаньня Цэнтральнай Выбарчай Камісіі ў аўтобусе і рэгістрацыі ініцыятыўных групаў кандыдатаў у прэзыдэнты Чыгіра і Пазьняка ўсе сябры камісіі самі накіраваліся ў Ленінскі суд Менску, паколькі позвы зьявіцца ў суд ім былі ўручаныя яшчэ пасьля мінулага затрыманьня 25 лютага. Такое рашэньне яны матывавалі тым, што, зьявіўшыся самі, яны пазьбегнуць гвалтоўнага затрыманьня.
Старшыня Цэнтральнай Выбарчай Камісіі Віктар Ганчар быў гвалтоўна затрыманы і асуджаны на 10 сутак арышту. 30 мільёнаў рублёў штрафу атрымаў сябра Цэнтральнай Выбарчай Камісіі Генадзь Самойленка. Паседжаньне Цэнтральнай Выбарчай Камісіі прайшло без старшыні. Віктар Ганчар у 13.30 быў гвалтоўна затрыманы на вуліцы Кісялёва, 5. Сьведкам затрыманьня Ганчара стаў прэсавы сакратар «Хартыі-97» Алег Бябенін, які паведаміў нашаму радыё: (Бябенін:) «Машына з Ганчаром стаяла каля дома, да яе падыйшлі тры супрацоўнікі міліцыі ў форме і запатрабавалі ад Ганчара выйсьці, каб яго арыштаваць. Але ж ён адмовіўся гэта зрабіць, заблякаваў дзьверы ў машыне і зрабіў спробу ад'ехаць. Тады пад'ехалі міліцэйскія машыны і заблякавалі ягоную BMW з трох бакоў сьпераду, ззаду і збоку і міліцыянт з трох спробаў выбіў бакавую шыбіну, адчыніў дзьверы, і Ганчару заламалі рукі, засадзілі ў гэтую «Волгу» і зьвезьлі. Тамсама побач стаяла машына Ганчара з разьбітай бакавой шыбінай і было шмат супрацоўнікаў міліцыі, у тым ліку гарадзкое міліцэйскае начальства, напрыклад палкоўнік Дрозд. На нашыя пытаньні яны адказваць адмовіліся». Адразу пасьля гвалтоўнага затрыманьня Ганчара даставілі ў апорны пункт Ленінскага РАЎСу Менску. Тамсама, на месцы, распачаўся закрыты суд. Журналістаў на суд не дапусьцілі. Судзьдзя Зянькевіч інкрымінавала Ганчару парушэньне артыкулу 167 адміністрацыйнага кодэксу за мінулае паседжаньне ЦВК і вынесла прысуд: 10 сутак адміністрацыйнага арышту. Пра гэта сама судзьдзя Зянькевіч заявіла дэпутату Шчукіну. Як паведамілі міліцыянты, з апорнага пункту Ганчара завезьлі ў спэцразьмеркавальнік на Акрэсьціна. Пазьней у той самы апорны пункт быў дастаўлены іншы сябар ЦВК Генадзь Самойленка, якому судзьдзя Церашкова вынесла прысуд 30 мільёнаў рублёў штрафу. Цэнтральная Выбарчая Камісія зрабіла заяву з нагоды затрыманьня Ганчара. Як паведаміў нашаму радыё сакратар ЦВК Барыс Гюнтэр... (Гюнтэр:) «ЦВК як кіраўнічы ворган дзяржавы рашуча пратэстуе супраць дзеяньняў уладных структураў. Гэта звычайнае крымінальнае злачынства і падпадае якраз пад крымінальную адказнасьць, і дастаткова моцную. Гэта злоўжываньне службовым становішчам. Гэта дзяржаўнае злачынства». Адразу пасьля паседжаньня Цэнтральнай Выбарчай Камісіі ў аўтобусе і рэгістрацыі ініцыятыўных групаў кандыдатаў у прэзыдэнты Чыгіра і Пазьняка ўсе сябры камісіі самі накіраваліся ў Ленінскі суд Менску, паколькі позвы зьявіцца ў суд ім былі ўручаныя яшчэ пасьля мінулага затрыманьня 25 лютага. Такое рашэньне яны матывавалі тым, што, зьявіўшыся самі, яны пазьбегнуць гвалтоўнага затрыманьня.