Пытаньне аб выдзяленьні Беларусі кампэнсацыйнага крэдыту Міжнародным Валютным Фондам застаецца адкрытае. Такі вынік наведаньня Беларусі місіяй фонду, якая знаходзілася тут ад 2 да 13 лютага. Як паведамілі нашаму радыё у менскім прадстаўніцтве МВФ, місія фонду пакінула ў мінулую суботу Менск без сваіх публічных ацэнак стану перамоўнага працэсу з уладамі Беларусі. Кіраўнік місіі Томас Вулф тым самым даў зразумець сродкам масавай інфармацыі, што інтрыга з вырашэньнем фондам лёсу кампэнсацыйнага крэдыту для беларускай дзяржавы працягваецца. Зрэшты, інфармацыйны вакуум з боку міжнароднай фінансавай арганізацыі тут жа запоўніў партнэр па перамовах. 15 лютага Нацыянальны Банк Беларусі выступіў з уласным тлумачэньнем вынікаў двухтыднёвага знаходжаньня ў Менску прадстаўнікоў МВФ. «У ходзе перамоваў фонду і НацБанку, - гаворыцца ў паведамленьні беларускага боку, - удалося дасягнуць узаемапаразуменьня ў шырокім спэктры пытаньняў. Гэтыя пытаньні тычыліся ў асноўным крэдытнай і фінансавай палітыкі». З далейшага паведамленьня НацБанку вынікае, што місія МВФ мяркуе зноў наведаць Менск з мэтай працягу дыялёгу па праграме надзвычайнага і кампэнсацыйнага фінансаваньня прыкладна ў сярэдзіне сакавіка. І заканчваецца дакумэнт прэсавай службы Пятра Пракаповіча амаль што сэнсацыйнай абвесткай: «Было выказана таксама меркаваньне аб пачатку перамоваў у будучыні і па верагодным выдзяленьні крэдыту стэнд-бай». Прэсавы сакратар старшыні Нацыянальнага Банку Міхаіл Журавовіч, камэнтуючы гэтую абвестку для нашага радыё, патлумачыў, што пытаньне аб магчымым выдзяленьні Міжнародным Валютным Фондам крэдыту па праграме стэнд-бай закраналася падчас цяперашняга візыту прадстаўнікоў МВФ у пляне пэрспэктыўнага супрацоўніцтва бакоў. Як толькі Беларусі будзе выдзелены кампэнсацыйны крэдыт, тады - патлумачыў сп. Журавовіч - бакі дамовіліся, што адразу ж можна прыступіць да новага дыялёгу, гэтым разам - аб шматмільённым крэдыце стэнд-бай. На думку прэсавага сакратара Пракаповіча, такое разьвіцьцё падзеяў ва ўзаемадачыненьнях Міжнароднага Валютнага Фонду і Беларусі мае высокую верагоднасьць. У прыватнасьці НацБанк, паведаміў ён, у цэлым выканаў тыя абавязаньні, якія ён браў перад МВФ па стане на 1 лютага. Напрыклад, заявіў Міхаіл Журавовіч, банк лібэралізаваў валютны рынак краіны да тых паказчыкаў, якія былі зафіксаваныя бакамі ў папярэдніх дамоўленасьцях. Сапраўды, паводле меркаваньня незалежных экспэртаў, з боку ўладаў Беларусі апошнім часам назіраецца відавочнае жаданьне скарэктаваць сваю фінансавую палітыку, у прыватнасьці - скарэктаваць у кірунку лібэралізацыі мэханізм курсаўтварэньня беларускага рубля. Такім чынам, выглядае, што афіцыйны Менск ва ўзаемадачыненьнях зь Міжнародным Валютным Фондам спрабуе задаволіць яго патрабаваньні. Рэч аднак у тым, наколькі хопіць беларускіх уладаў для такіх паводзінаў. Нагадаю: на самым пачатку перамоваў бакоў у пытаньні кампэнсацыйнага крэдыту меркавалася, што МВФ можа выдзеліць яго для Беларусі ўжо ў сакавіку сёлета. Цяпер жа высьвятляецца, што ў сакавіку прадстаўнікі фонду маюць намер наведаць Менск з чарговай праверкай выкананьня партнэрам сваіх абавязаньняў. Дарэчы, гэта будзе ўжо чацьвертая місія МВФ, якая мае намер прыехаць у Беларусь на перамовы аб кампэнсацыйным крэдыце. Ня выключана, што не апошняя, бо, як сталася вядомым сродкам масавай інфармацыі, госьці з Вашынгтону падчас цяперашняга знаходжаньня ў Менску паведамілі беларускаму боку, што лёс згаданага крэдыту будзе вырашацца ўжо ў красавіку-траўні. Інакш кажучы, канкрэтнай даты разгляду беларускага пытаньня на паседжаньні Рады Дырэктароў МВФ на сёньняшні дзень не йснуе.
Пытаньне аб выдзяленьні Беларусі кампэнсацыйнага крэдыту Міжнародным Валютным Фондам застаецца адкрытае. Такі вынік наведаньня Беларусі місіяй фонду, якая знаходзілася тут ад 2 да 13 лютага. Як паведамілі нашаму радыё у менскім прадстаўніцтве МВФ, місія фонду пакінула ў мінулую суботу Менск без сваіх публічных ацэнак стану перамоўнага працэсу з уладамі Беларусі. Кіраўнік місіі Томас Вулф тым самым даў зразумець сродкам масавай інфармацыі, што інтрыга з вырашэньнем фондам лёсу кампэнсацыйнага крэдыту для беларускай дзяржавы працягваецца. Зрэшты, інфармацыйны вакуум з боку міжнароднай фінансавай арганізацыі тут жа запоўніў партнэр па перамовах. 15 лютага Нацыянальны Банк Беларусі выступіў з уласным тлумачэньнем вынікаў двухтыднёвага знаходжаньня ў Менску прадстаўнікоў МВФ. «У ходзе перамоваў фонду і НацБанку, - гаворыцца ў паведамленьні беларускага боку, - удалося дасягнуць узаемапаразуменьня ў шырокім спэктры пытаньняў. Гэтыя пытаньні тычыліся ў асноўным крэдытнай і фінансавай палітыкі». З далейшага паведамленьня НацБанку вынікае, што місія МВФ мяркуе зноў наведаць Менск з мэтай працягу дыялёгу па праграме надзвычайнага і кампэнсацыйнага фінансаваньня прыкладна ў сярэдзіне сакавіка. І заканчваецца дакумэнт прэсавай службы Пятра Пракаповіча амаль што сэнсацыйнай абвесткай: «Было выказана таксама меркаваньне аб пачатку перамоваў у будучыні і па верагодным выдзяленьні крэдыту стэнд-бай». Прэсавы сакратар старшыні Нацыянальнага Банку Міхаіл Журавовіч, камэнтуючы гэтую абвестку для нашага радыё, патлумачыў, што пытаньне аб магчымым выдзяленьні Міжнародным Валютным Фондам крэдыту па праграме стэнд-бай закраналася падчас цяперашняга візыту прадстаўнікоў МВФ у пляне пэрспэктыўнага супрацоўніцтва бакоў. Як толькі Беларусі будзе выдзелены кампэнсацыйны крэдыт, тады - патлумачыў сп. Журавовіч - бакі дамовіліся, што адразу ж можна прыступіць да новага дыялёгу, гэтым разам - аб шматмільённым крэдыце стэнд-бай. На думку прэсавага сакратара Пракаповіча, такое разьвіцьцё падзеяў ва ўзаемадачыненьнях Міжнароднага Валютнага Фонду і Беларусі мае высокую верагоднасьць. У прыватнасьці НацБанк, паведаміў ён, у цэлым выканаў тыя абавязаньні, якія ён браў перад МВФ па стане на 1 лютага. Напрыклад, заявіў Міхаіл Журавовіч, банк лібэралізаваў валютны рынак краіны да тых паказчыкаў, якія былі зафіксаваныя бакамі ў папярэдніх дамоўленасьцях. Сапраўды, паводле меркаваньня незалежных экспэртаў, з боку ўладаў Беларусі апошнім часам назіраецца відавочнае жаданьне скарэктаваць сваю фінансавую палітыку, у прыватнасьці - скарэктаваць у кірунку лібэралізацыі мэханізм курсаўтварэньня беларускага рубля. Такім чынам, выглядае, што афіцыйны Менск ва ўзаемадачыненьнях зь Міжнародным Валютным Фондам спрабуе задаволіць яго патрабаваньні. Рэч аднак у тым, наколькі хопіць беларускіх уладаў для такіх паводзінаў. Нагадаю: на самым пачатку перамоваў бакоў у пытаньні кампэнсацыйнага крэдыту меркавалася, што МВФ можа выдзеліць яго для Беларусі ўжо ў сакавіку сёлета. Цяпер жа высьвятляецца, што ў сакавіку прадстаўнікі фонду маюць намер наведаць Менск з чарговай праверкай выкананьня партнэрам сваіх абавязаньняў. Дарэчы, гэта будзе ўжо чацьвертая місія МВФ, якая мае намер прыехаць у Беларусь на перамовы аб кампэнсацыйным крэдыце. Ня выключана, што не апошняя, бо, як сталася вядомым сродкам масавай інфармацыі, госьці з Вашынгтону падчас цяперашняга знаходжаньня ў Менску паведамілі беларускаму боку, што лёс згаданага крэдыту будзе вырашацца ўжо ў красавіку-траўні. Інакш кажучы, канкрэтнай даты разгляду беларускага пытаньня на паседжаньні Рады Дырэктароў МВФ на сёньняшні дзень не йснуе.