Пра магчымасьць дасягнуць прагрэс у перамовах з Расеяй і немагчымасьць
дамовіцца з Беларусьсю сказаў у інтэрвію Радыё Свабода Цырыл Свобода, сябра
дэлегацыі эўрапейскай парлямэнцкай “тройкі”, якая ў сакавіку наведае Беларусь.
(Свобода: ) “Ёсьць розьніца паміж Расеяй і Беларусьсю. Калі мы гаворым
пра Расею, мы адзначаем там прагрэс. Магчыма, не такі, як нам хацелася,
але ўсё ж прагрэс. Нават калі мы абмяркоўваем такую складаную праблему
як Чачня, мы бачым, што прэзыдэнт Пуцін і яго адміністрацыя маюць зацікаўленасьць
зрабіць нейкія крокі наперад. Але калі мы гаворым пра Лукашэнку, дык тут
я баюся, што мы ня можам канстатаваць хоць нейкі прагрэс. У рэшце рэшт
Рада Эўропы ня можа заплюшчыць вочы на такія фундамэнтальныя прынцыпы,
як вяршэнтсва права наогул і правоў чалавека ў прыватнасьці”.
Гутарыў
Уладзімер Глод, Старсбург
