Ежы Артымяк, шэф вайсковай пракуратуры Польшчы, сказаў, што некаторыя прыборы выкрылі прысутнасьць тратылу на борце прэзыдэнцкага самалёту, які разьбіўся пад Смаленскам у 2010 годзе.
«Некаторыя дэтэктары ў Смаленску фактычна паказалі на прысутнасьць тратылу. Але нельга з поўнай упэўненасьцю казаць, што мы маем дачыненьне з выбуховымі матэрыяламі» — заявіў Артымяк на пасяджэньні сэймавай камісіі, якая займаецца дасьледаваньнем абставінаў катастрофы самалёта.
Паводле польскіх СМІ, пасяджэньне згаданай камісіі ў Варшаве 5 сьнежня мела вельмі бурлівы характар, але так і не адказала адназначна на пытаньне, ці выкрыты тратыл паходзіў зь нейкага выбуховага прыстасаваньня, якое спрацавала на борце самалёта.
Нагадаем, што пра знаходжаньне тратылу і нітрагліцэрыну ў самалёце, якім прэзыдэнт Польшчы Лех Качынскі са сьвітай ляцеў у Смаленск на адзначэньне ўгодкаў Катынскага расстрэлу, напісала 30 кастрычніка сёлета газэта Rzeczpospolita. У гэты самы дзень кіраўнік вайсковай пракуратуры ў Варшаве Ірэнэуш Шэлянг заявіў, што няма ніякіх падставаў, каб рабіць высновы аб наяўнасьці тратылу ў абломках прэзыдэнцкага самалёту. Пасьля гэтай заявы быў звольнены галоўны рэдактар Rzeczpospolitej і два журналісты.
У катастрофе польскага ўрадавага самалёта 10 красавіка 2010 году пад Смаленскам загінуў прэзыдэнт Польшчы Лех Качынскі і 95 чалавек з урадавай дэлегацыі ды экіпажу самалёта.
Паводле польскіх СМІ, пасяджэньне згаданай камісіі ў Варшаве 5 сьнежня мела вельмі бурлівы характар, але так і не адказала адназначна на пытаньне, ці выкрыты тратыл паходзіў зь нейкага выбуховага прыстасаваньня, якое спрацавала на борце самалёта.
Нагадаем, што пра знаходжаньне тратылу і нітрагліцэрыну ў самалёце, якім прэзыдэнт Польшчы Лех Качынскі са сьвітай ляцеў у Смаленск на адзначэньне ўгодкаў Катынскага расстрэлу, напісала 30 кастрычніка сёлета газэта Rzeczpospolita. У гэты самы дзень кіраўнік вайсковай пракуратуры ў Варшаве Ірэнэуш Шэлянг заявіў, што няма ніякіх падставаў, каб рабіць высновы аб наяўнасьці тратылу ў абломках прэзыдэнцкага самалёту. Пасьля гэтай заявы быў звольнены галоўны рэдактар Rzeczpospolitej і два журналісты.
У катастрофе польскага ўрадавага самалёта 10 красавіка 2010 году пад Смаленскам загінуў прэзыдэнт Польшчы Лех Качынскі і 95 чалавек з урадавай дэлегацыі ды экіпажу самалёта.