Тыдзень у фота. 24-30.11.2012
Спэктрарадыёмэтар НАСА на борце сатэліта сфатаграфаваў востраў Сьв. Алены і воблачныя цыклёны, якія набліжаюцца да вострава. Востраў разьмешчаны за 1900 км на захад ад Афрыкі.
Туркменскі ансамбль народных танцаў выступае ў Ерэване напярэдадні афіцыйнага візыту ў Арменію туркменскага прэзыдэнта Гурбангулы Бердымухамедава.Сам Бердымухамедаў стаіць ззаду справа з сваім армянскім калегам Сэржам Саргсянам.
Лаша Патарая цягне 8-тонны грузавік сваім вухам на сьвяце ў Руставі, Грузія. 32-гадовы грузінскі асілак трапіў у кн ігу рэкордаў Гінэса, працягнуўшы вухам грузавік 21,5 мэтраў.
Раоні Чукарамаэ, правадыр індыянскага племя каяпа (Бразылія) прыехаў на сустрэчу ў Элізэйскім палацы, Парыж.
Плывец спыніўся перад наплывам чырвоных водарасьцяў на пляжы Клавэлі ў Сыднэі, Аўстралія. З прычыны наплыву водарасьцяў улады былі вымушаныя зачыніць шэраг папулярных пляжаў. Неатрутныя водарасьці noctiluca scintillans могуць выклікаць раздражненьне скуры.
Будысцкія манахі атрымліваюць мэдычную дапамогу пасьля таго, як паліцыя разагнала іх вадамётамі і сьлезацечным газам падчас пратэсту супраць пабудовы кітайскага меднага рудніка ў паўночнай Бірме.
Сонца заходзіць над мячэцьцю Сулейманія ў Стамбуле.
Васковыя фігуры Кацярыны, графіні Кембрыджскай, і прынца Ўільяма на праглядзе для прэсы ў Токіё. Музэй мадам Цюсо з больш чым 60 фігурамі будзе зноў адчынены ў Токіё ў сакавіку 2013 году.
Дзеці маршыруюць са сьцягамі ў Прышціне, Косава, на парадзе 100-годзьдзя незалежнасьці Альбаніі 28 лістапада.
Дзьве косаўскія альбанкі з папяровымі вусамі падчас сьвяткаваньня 100-годзьдзя альбанскай незалежнасьці ў Косаве. Амаль усе падпісанты дэклярацыі незалежнасьці 100 гадоў таму насілі падобныя вусы.
Пералётныя птушкі пралятаюць над чалавекам у лодцы на рацэ Ямуна ў Дэлі, Індыя.
Чалавек сярод руінаў пасьля тэракту ў Багдадзе 27 лістапада. Тры выбухі замінаваных аўтамабіляў забілі 23 мусульманаў-шыітаў падчас жалобнага шэсьця ў ірацкай сталіцы.
Казачы патруль на Беларускім вакзале ў Маскве.
Першы сьнег у правінцыі Газьні, Афганістан.
Рэжысэр Пітэр Джэксан перад хобітавай нарой падчас сусьветнай прэм'еры фільму "Хобіт" у Вэлінгтане, Новая Зэляндыя.
Пратэсты супраць аўтакратычных дэкрэтаў эгіпэцкага прэзыдэнта Мухамада Мурсі на плошчы Ат-Тахрыр у Каіры 27 лістапада. Падчас пратэстаў адбыліся сутычкі дэманстрантаў з паліцыяй.
Дэманстрант на плошчы Ат-Тахрыр, "нэўтралізаваны" сьлезацечным газам.
Перакур у кантрабандысцкім тунэлі паміж Эгіптам і Паласой Газы ў Рафаху.
Сутычка фэрмэраў-малочнікаў з паліцыяй каля будынку Эўрапарлямэнту ў Брусэлі падчас пратэстаў супраць зьніжэньня закупачных цэнаў малака.
Таксыдэрміст Вэрнэр Бэкман працуе над 650-кіляграмовым чэрапам пазванкамі шкілета кіта, рыхтуючы экспанаты для выставы ў Музэі гісторыі прыроды ў Мюнстэры, Нямеччына.
Луо Баогэнь паказвае на свой паўразбураны дом, які стаіць пасярэдзіне новазбудаванай шашы. 67-гадовы Луо з жонкай чатыры гады вялі беспасьпяховае змаганьне, каб атрымаць больш чым 40 тыс. даляраў кампэнсацыі ад ураду за высяленьне зь месца, дзе мелася быць збудаваная шаша.
Мік Джэгер з гуртом Ролінг Стоўнз на канцэрце ў Лёндане, прымеркаваным да 50-гадовага юбілею гурту.