5 кастрычіка гасьцямі праграмы Дзьмітрыя Падбярэскага Svaboda Jazz былі музыкі Лявон Вольскі і Павал Аракелян.
Днямі ў сьвет выйшаў новы дыск з сэрыі «Бібліятэка Свабоды», на якім сабраныя 100 песьняў з праекту Вольскага «Саўка ды Грышка», што гучалі цягам двух гадоў ў нашым эфіры і на сайце. Лявон Вольскі сьпяваў гэтыя песьні на два галасы, але на прэзэнтацыях дыска ролю апазыцыянэра Рыгора на сябе ўзяў саксафаніст і флейтыст Павал Аракелян.
