Суд у Пакістане вызваліў пад заклад 14-гадовую дзяўчынку-хрысьціянку, якую вінавацяць у зьнявазе ісламу. Яе абвінавачваюць у тым, што яна нібыта спрабавала спаліць лісткі паперы, на якіх былі запісаныя суры Карана.
Некалькі дзён таму імам Халід Чышці, які зьвінаваціў дзяўчынку, сам быў арыштаваны і абвінавачаны ў тым, што сфабрыкаваў улікі супраць Рымшы Масіх, каб выгнаць хрысьціянаў, якія жылі ў ягонай вёсцы. Імам адхіляе абвінавачаньні.
Пакуль няясна, калі менавіта Рымша Масіх выйдзе на волю. Яе арышт меў шырокі міжнародны рэзананс як сярод вернікаў, так і ў сьвецкім грамадзтве.
Аглядальнікі выказваюць засьцярогі, што дома дзяўчынка можа быць у небясьпецы.
Адвакат дзяўчынкі Тахір Навід Чаўдхры адзначыў у інтэрвію Радыё Машааль ў Ісламабадзе: «Думаю, што людзі, якія маюць дачыненьне да такіх справаў, і ўсе, хто спрабуе выступіць у абарону абвінавачаных, рызыкуюць жыцьцём».
Паводле пакістанскіх законаў, за найменшую абразу ісламу прысуджаецца сьмяротная кара. Часта нават тых, каго суд апраўдвае, пасьля забіваюць абураныя вернікі.
Пакуль няясна, калі менавіта Рымша Масіх выйдзе на волю. Яе арышт меў шырокі міжнародны рэзананс як сярод вернікаў, так і ў сьвецкім грамадзтве.
Аглядальнікі выказваюць засьцярогі, што дома дзяўчынка можа быць у небясьпецы.
Адвакат дзяўчынкі Тахір Навід Чаўдхры адзначыў у інтэрвію Радыё Машааль ў Ісламабадзе: «Думаю, што людзі, якія маюць дачыненьне да такіх справаў, і ўсе, хто спрабуе выступіць у абарону абвінавачаных, рызыкуюць жыцьцём».
Паводле пакістанскіх законаў, за найменшую абразу ісламу прысуджаецца сьмяротная кара. Часта нават тых, каго суд апраўдвае, пасьля забіваюць абураныя вернікі.