Урад Вялікабрытаніі накіраваў дадатковыя 1200 салдатаў на ахову Алімпіяды-2012 у Лёндане. Новае падмацаваньне даводзіць агульную колькасьць вайскоўцаў на Алімпіядзе да 18 200. Алімпіяда пачынаецца ў пятніцу.
У дадатак да вайскоўцаў, за парадкам на Алімпіядзе будуць сачыць 20 тысяч супрацоўнікаў службы бясьпекі. Улады не далі афіцыйнага тлумачэньня выдзяленьня дадатковых узброеных сілаў на мерапрыемства.
Раней у гэтым месяцы прыватная ахоўная фірма GS4, якая атрымала кантракт на забесьпясчэньне бясьпекі алімпійскіх гульняў, прызнала, што ня здолела наняць дамоўленую з Урадам колькасьць ахоўнікаў.