Ад пэрсыдзкага новага году, 21 сакавіка, іранскія ўлады ўводзяць уніформу для жанчын — дзяржаўных службоўцаў. Паводле ўладаў, гэта робіцца на просьбу саміх жанчын і нашэньне ўніформы будзе добраахвотным.
Іранскія агенцтвы навінаў паведамляюць, што ўніформа будзе адпавядаць рэлігійным і культурным крытэрыям, а яе асноўнымі колерамі будуць сіні і цёмна-шэры. Цяпер усе жанчыны ў Іране ў любым выпадку абавязаныя насіць доўгае адзеньне і хусткі, каб хаваць абрысы цела і валасы.