Бліц-агляд падзеяў і тэмаў у Беларусі, сьвеце, гісторыі.
МАРОЗ...
...дый годзе. Тэмпэратура: −25 — −19.
У БЕЛАРУСІ І СЬВЕЦЕ:
У Менскім гарадзкім судзе (вул. Дуніна-Марцінкевіча, 1 / 3) адбудзецца разгляд касацыйнай скаргі падпалкоўніка міліцыі ў запасе Мікалая Казлова, які зьбіраецца даказаць незаконнасьць свайго затрыманьня 19 сьнежня 2011 г. Пачатак у 15.00.
Гурт «FolkRoll» і Наста Някрасава ў КЗ «МІНСК» (малая сцэна). Канцэрт з нагоды дня народзінаў сьпявачкі. Пачатак а 19.00.
У Мюнхэне адкрываецца трохдзённая міжнародная канфэрэнцыя, прысьвечаная пытаньням бясьпекі. На канфэрэнцыі мае выступіць сакратар дзярждэпартамэнту ЗША Гілары Клінтан.
* * *
У вечаровым эфіры Радыё Свабода слухайце, сярод іншага, перадачу «Госьці Свабоды», у якой выступяць тэатральны рэжысэр Валеры Мазынскі, рэжысэр-мультыплікатар Міхал Тумеля і бард Аляксей Галіч. Акрамя гэтага, сьвежая «Экспэртыза» ды паўторы перадач «Дзеці» і «Падарожжа».
* * *
Паважаныя наведнікі сайту! Дапамажыце больш поўна прадставіць беларускі дзень — дашліце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl.org
ТАКСАМА Ў ГЭТЫ ДЗЕНЬ:
1926 — у Вільні выйшаў першы нумар газэты «Беларускае слова», выданьне Часовай беларускай рады, потым Беларускай нацыянальнай рады (выдавалася да 9 лютага 1928 г.).
1927 — у мястэчку Косава польскія ўлады расстралялі мірную дэманстрацыю людзей, якія выступалі ў абарону Беларускай сялянска-работніцкай грамады.
1993 — Вярхоўны Савет Беларусі адмяніў уласную пастанову аб прыпыненьні дзейнасьці кампартыі Беларусі. За аднаўленьне дзейнасьці КПБ прагаласавала камуністычная большасьць парлямэнту.
У гэты дзень нарадзіліся:
1952 — Алег Манаеў, беларускі сацыёлаг.
У гэты дзень памерлі:
1964 — Станіслаў Лявонавіч Станкевіч, беларускі грамадзка-культурны дзеяч, паэт, выдавец.
1989 — беларускі скульптар Анатоль Анікейчык.
ЦЫТАТА НА ПАМЯЦЬ:
«Большасьць тых, якія чыталі «Камуністычны маніфэст», мабыць, і ня ўяўлялі сабе, што ён быў напісаны двума маладымі аўтарамі, якія не прапрацавалі ні аднаго дня ў сваім жыцьці, але, тым ня менш, сьмела выступалі ад імя «работнікаў».
Томас Соўэл, амэрыканскі эканаміст
ГОД ТАМУ Ў ЗАГАЛОЎКАХ НА САЙЦЕ «СВАБОДЫ»:
Насту Палажанку пакінулі пад вартай
Беларускай апазыцыі паабяцалі 120 млн даляраў
Памёр беларускі эміграцыйны гісторык Павал Урбан