Міжнародны крымінальны суд пакуль не прыняў рашэньня, дзе павінен адбыцца працэс над сынам зрынутага лібійскага дыктатара Муамара Кадафі Сейфам аль-Іслямам. Пра гэта заявіў у панядзелак прадстаўнік суду.
Раней сёньня ж міністар юстыцыі Лібіі Алі Халіфа Ашура заявіў, што зь Міжнародным крымінальным судом, штаб-кватэра якога знаходзіцца ў Гаазе, дасягнутая дамоўленасьць аб тым, што сына Кадафі, які абвінавачваецца ў злачынствах супраць чалавечнасьці пры спробе спыніць паўстаньне мінулага году, будуць судзіць на радзіме. У Лібіі Сейф аль-Ісляму пагражае сьмяротнае пакараньне.
Сын Муамара Кадафі, які граў важную ролю ў кіраўніцтве краіны ў апошнія гады праўленьня свайго бацькі, быў арыштаваны на поўдні Лібіі ў лістападзе мінулага году, калі супраціў прыхільнікаў Кадафі ўжо быў цалкам зламаны. Сам Муамар Кадафі быў забіты пры захопе яго атрадамі Нацыянальнай пераходнай рады гораду Сірт месяцам раней.
Сын Муамара Кадафі, які граў важную ролю ў кіраўніцтве краіны ў апошнія гады праўленьня свайго бацькі, быў арыштаваны на поўдні Лібіі ў лістападзе мінулага году, калі супраціў прыхільнікаў Кадафі ўжо быў цалкам зламаны. Сам Муамар Кадафі быў забіты пры захопе яго атрадамі Нацыянальнай пераходнай рады гораду Сірт месяцам раней.