У Менску падчас штогадовага шэсьця Дзядоў Марозаў затрыманы фатограф Сяргей Шэлег.
Паводле відавочцаў, Сяргей як і іншыя фатографы здымаў мерапрыемства. Да яго падышоў невядомы мужчына, які на падвышаных танах і з нецэнзурнай лексікай пачаў «наяжджаць» на фатографа, бо той, маўляў, паставіў свой заплечнік на праезную частку, паведамляе «Наша ніва».
Сяргей папрасіў перавесці размову ў спакойны тон і не грубіяніць.
Але невядомым мужчынам апынуўся намесьнік начальніка Цэнтральнага РУУС Максім Грышчанка. Шэлега адвезьлі ў пастарунак і праз гадзіну адпусьцілі.
У шэсьці Дзядоў Марозаў бралі ўдзел прыблізна 50 казачных пэрсанажаў.
Шэсьце Дзядоў Марозаў у Менску