Палітыкі, грамадзкія дзеячы, падстаўнікі міжнародных арганізацыяў працягваюць камэнтаваць сьмяротны вырак для Ўладзіслава Кавалёва і Дзьмітрыя Канавалава.
Старшыня Эўрапейскага парлямэнта Ежы Бузэк ў сваім мікраблогу ў Twitter запісаў, што Эўрапарлямэнт выступае за справядлівы суд па справе аб тэракце ў менскім мэтро.
«Мы застаёмся праціўнікамі сьмяротнага пакараньня. Больш сьмерці ніколі не прыносіць больш справядлівасьці», — адзначыў Бузэк.
Міжнародная праваабарончая арганізацыя «Міжнародная амністыя» раскрытыкавала сьмяротны прысуд асуджаным за тэракт у менскім мэтро.
«У нас ёсьць сур’ёзныя засьцярогі з нагоды таго, што зь Дзьмітрыем Канавалавым і Уладам Кавалёвым жорстка абыходзіліся, прымушаючы іх прызнаць сваю віну. Акрамя таго, мы лічым, што гэты судовы працэс не адпавядае міжнародным стандартам», — заявіў намесьнік кіраўніка праграмы «Міжнароднай амністыі» па Эўропе і Цэнтральнай Азіі Джон Дальхусьен.
«Судовая сыстэма Беларусі пакутуе ад сур’ёзных заганаў, у краіне рэгулярна парушаюцца міжнародныя стандарты вядзеньня судовых працэсаў, што павялічвае рызыку асуджэньня нявінных людзей».
30 лістапада першы намесьнік старшыні Вярхоўнага суду Беларусі Аляксандар Федарцоў прыгаварыў Зьмітра Канавалава і Ўладзіслава Кавалёва да сьмяротнага пакараньня. Праваабаронцы і грамадзкія дзеячы ўжо асудзілі такі жорсткі вырак.
Ежы Бузэк: «Больш сьмерці ніколі не прыносіць больш справядлівасьці»
Старшыня Эўрапейскага парлямэнта Ежы Бузэк ў сваім мікраблогу ў Twitter запісаў, што Эўрапарлямэнт выступае за справядлівы суд па справе аб тэракце ў менскім мэтро.
«Мы застаёмся праціўнікамі сьмяротнага пакараньня. Больш сьмерці ніколі не прыносіць больш справядлівасьці», — адзначыў Бузэк.
«Міжнародная амністыя» асуджае сьмяротны прысуд Канавалаву і Кавалёву
Міжнародная праваабарончая арганізацыя «Міжнародная амністыя» раскрытыкавала сьмяротны прысуд асуджаным за тэракт у менскім мэтро.
«У нас ёсьць сур’ёзныя засьцярогі з нагоды таго, што зь Дзьмітрыем Канавалавым і Уладам Кавалёвым жорстка абыходзіліся, прымушаючы іх прызнаць сваю віну. Акрамя таго, мы лічым, што гэты судовы працэс не адпавядае міжнародным стандартам», — заявіў намесьнік кіраўніка праграмы «Міжнароднай амністыі» па Эўропе і Цэнтральнай Азіі Джон Дальхусьен.
«Судовая сыстэма Беларусі пакутуе ад сур’ёзных заганаў, у краіне рэгулярна парушаюцца міжнародныя стандарты вядзеньня судовых працэсаў, што павялічвае рызыку асуджэньня нявінных людзей».
30 лістапада першы намесьнік старшыні Вярхоўнага суду Беларусі Аляксандар Федарцоў прыгаварыў Зьмітра Канавалава і Ўладзіслава Кавалёва да сьмяротнага пакараньня. Праваабаронцы і грамадзкія дзеячы ўжо асудзілі такі жорсткі вырак.