Юрыст Беларускага Хэльсынскага камітэту Гары Паганяйла, які мае багатую судовую і адвакацкую практыку пракамэнтаваў адстаўку міністра юстыцыі Віктара Галаванава.
«Галаванаў ня быў высокакваліфікаваным спэцыялістам. Пасьля юрфаку БДУ ён разьмеркаваўся ў Бабруйскую адвакатуру, потым сышоў у партыйны апарат, рухаўся па адміністрацыйных аддзелах Бабруйскага райкаму, Магілёўскага абкаму партыі і дайшоў да ЦК КПБ. Потым працаваў у апараце Саўміна, у Міністэрстве юстыцыі, Адміністрацыі прэзыдэнта — то бок ягоная кар’ера заўсёды была зьвязаная не з прафэсійнай працай юрыста, а з імкненьнем ажыцьцяўляць ідэі іншых.
Кіраўнікі вышэйшых юрыдычных установаў дзяржавы па нейкіх прычынах не задавальняюць кіраўніка краіны. Калі прасачыць пасьлядоўнасьць апошніх адставак —генэральнага пракурора, цяпер вось міністра юстыцыі — усе яны адносяцца да тых праваахоўных органаў, да якіх заўсёды была пільная ўвага самога Лукашэнкі. Я не выключаю, што краіну чакаюць нейкія новыя палітычныя веяньні. Лукашэнку патрэбныя ўжо ня проста сьляпыя, адданыя выканаўцы. Яму неабходныя больш крэатыўныя, ініцыятыўныя лідэры. Хутчэй за ўсё, ператрасаньне кадраў працягнецца».
«Галаванаў ня быў высокакваліфікаваным спэцыялістам. Пасьля юрфаку БДУ ён разьмеркаваўся ў Бабруйскую адвакатуру, потым сышоў у партыйны апарат, рухаўся па адміністрацыйных аддзелах Бабруйскага райкаму, Магілёўскага абкаму партыі і дайшоў да ЦК КПБ. Потым працаваў у апараце Саўміна, у Міністэрстве юстыцыі, Адміністрацыі прэзыдэнта — то бок ягоная кар’ера заўсёды была зьвязаная не з прафэсійнай працай юрыста, а з імкненьнем ажыцьцяўляць ідэі іншых.
Кіраўнікі вышэйшых юрыдычных установаў дзяржавы па нейкіх прычынах не задавальняюць кіраўніка краіны. Калі прасачыць пасьлядоўнасьць апошніх адставак —генэральнага пракурора, цяпер вось міністра юстыцыі — усе яны адносяцца да тых праваахоўных органаў, да якіх заўсёды была пільная ўвага самога Лукашэнкі. Я не выключаю, што краіну чакаюць нейкія новыя палітычныя веяньні. Лукашэнку патрэбныя ўжо ня проста сьляпыя, адданыя выканаўцы. Яму неабходныя больш крэатыўныя, ініцыятыўныя лідэры. Хутчэй за ўсё, ператрасаньне кадраў працягнецца».