Кур’ёзная памылка на майках менскага спэцназу будзе выпраўленая, паведамілі карэспандэнту "Эўрарадыё" у менскай міліцыі.
На акцыі “маўклівага супраціву” ў Менску ў кадры фотакамэраў трапілі майкі спэцназаўцаў з граматычнай памылкай. Замест “міліцыя” ці “милиция” на іх быў змешчаны надпіс “милицыя”.
Фота шырока разышлыся па Байнэце. Заўважылі іх і ў сталічнай міліцыі.
“Безумоўна, усё будзе выпраўлена, — абяцае Эўрарадыё прэсавы сакратар менскай міліцыі Аляксандар Ластоўскі. — Як у выпадку з “ГАІ МІНГОРІСПОЛКОМА” — рускае слова беларускімі літарамі. Але там быў праграмны збой у апаратуры, нашая віна. Але што датычыць надпісу “милицыя” — мы ж ня самі робім гэтыя майкі. Уся гэтая форма заказваецца. АМАП тут ні пры чым: што рабіць, калі трэба надзяваць майку, а іншай няма?”
Паводле Ластоўскага, інфармацыя пра няправільны надпіс ужо перададзеная ў органы, якія зоймуцца выпраўленьнем памылкі.
На акцыі “маўклівага супраціву” ў Менску ў кадры фотакамэраў трапілі майкі спэцназаўцаў з граматычнай памылкай. Замест “міліцыя” ці “милиция” на іх быў змешчаны надпіс “милицыя”.
Фота шырока разышлыся па Байнэце. Заўважылі іх і ў сталічнай міліцыі.
“Безумоўна, усё будзе выпраўлена, — абяцае Эўрарадыё прэсавы сакратар менскай міліцыі Аляксандар Ластоўскі. — Як у выпадку з “ГАІ МІНГОРІСПОЛКОМА” — рускае слова беларускімі літарамі. Але там быў праграмны збой у апаратуры, нашая віна. Але што датычыць надпісу “милицыя” — мы ж ня самі робім гэтыя майкі. Уся гэтая форма заказваецца. АМАП тут ні пры чым: што рабіць, калі трэба надзяваць майку, а іншай няма?”
Паводле Ластоўскага, інфармацыя пра няправільны надпіс ужо перададзеная ў органы, якія зоймуцца выпраўленьнем памылкі.