Сёньня ў Менску ня раяць хадзіць зь вялікімі прадметамі

У Менску сёньня заплянавана каля 60 сьвяточных мерапрыемстваў, у шасьці месцах адбудуцца салюты.

Месцы масавага скапленьня людзей да пачатку мерапрыемстваў будуць агледжаныя піратэхнічнай службай. «Як і ў папярэднія гады, у месцах масавага скапленьня людзей, дзе будуць праходзіць салюты, будзем выстаўляць турнікеты, будзе дзяжурыць патрульна-паставая служба, – паведаміў намесьнік начальніка ГУУС Менгарвыканкаму Ігар Яўсееў. – таксама будзе задзейнічаны полк міліцыі спэцыяльнага прызначэньня.»

На ўсіх уваходах на масавыя мерапрыемствы будуць выстаўленыя турнікеты. Ахвотным узяць удзел у гуляньнях раяць прыходзіць загадзя і ня браць з сабой вялікіх парадметаў.