Цярэшчанка: Курс рубля да даляра будзе 1:1

Ён напачту распавёў пра сваю біяграфію, навучаньне, узнагароды. Зазначыў, што стажыраваўся ў ЗША, дзе атрымаў дыплём магістра, вучыўся ў Францыі. Згадаў, як быў дэпутатам Вярхоўнага Савету 13-га скліканьня і працаваў на дзяржслужбе пры Лукашэнку. Сказаў, што вэтэран ліквідацыі чарнобыльскай аварыі.

Выступ Віктара Цярэшчанкі, 25.11.2010, ч.1

Выступ Віктара Цярэшчанкі, 25.11.2010, ч.2

Выступ Віктара Цярэшчанкі, 25.11.2010, ч.3

Тэзы выступу

• Над сваёй праграмай я працаваў шмат гадоў.

• Сыстэма жорсткага ручнога кіраваньня сябе вычарпала і гэта ўсім бачна.

• Рост коштаў гэта пацьвярджае

• Калі перад выбарамі растуць заробкі, чакай рэзкага росту коштаў пасьля выбараў — гэта народная прыкмета

• Патаньнелі толькі гарэлка і запалкі

• Краіна забіта старымі аўтамабілямі, але прадуктаў мы можам набыць меней. чым у 1990ым годзе Усе меней капляем мяса. рыбы

• За 16 гадоў болей чым у 4 тысячы раз падзешавеў наш рубель

• Усе копім даляры, уключна з Нацбанкам. Мы працуем на сусьветных банкіраў, а не на Беларусь. Таму да нас пратапталі дарогу валютныя фонды.

• Наш рубель не валюта — як не было ў нас сапраўдных грошай, так і няма.

• На душу насельніцтва ў нас у 100 разоў меней грошай, чым у Японіі.

• Зьнешні доўг краіны павялічыўся на кожнага жыхара болей за 2600 долараў, гэта крытычны узровень.

• Разьвівацца трэба не за кошт крэдытаў, а за кошт інвэстыцый у абмен на акцыі.

• У нас затратнасьць ўдвая вышэйшая, чым у канкурэнатаў.

• У сабекошт тавараў уключаюць кошт банкаўскіх крэдытаў, а ў канкурэнатў з развітых краін такога няма.

• Падатковая сыстэма ў нас заганная.

• У нас не разумеюць, што галоўны прынцып у разьвітых краінах: не перашкаджаць вырабіць прадукт, а ўжо потым узяць падатак.

• У нас 20% ПДВ плацяць, а ў канкурэнтаў гэтага няма, там падаткі плацяць з прыбытку.

• Крытычны знос машын і мэханізмаў на прадпрыемствах.

• Любога кіраўніка заводу могуць пасадзіць. Яны закладнікі сыстэмы. Іх усіх прызначае прэзыдэнт.

• За інвэстыцыі прэзыдэнт трасе ўсю вэртыкаль, але гэта стратэгія адсталых краін.

• Патрэбная зьмена грашовай палітыкі. Рубель трэба зрабіць вольна канвэртаваным, спачатку курс 3 рублі да даляра, за пяць гадоў выйдзем на узровень адзін да аднаго.

• Пэнсіі, стыпэндыі, заробкі будуць расьці пасьля ўмацаваньня рубля, бо пачне расьці экспарт.

• Эканоміка краіны напоўніцца нацыянальнымі грашыма.

• Кіраваць заводамі вольна, але пад кантролем калектываў, будуць мэнэджэры.

• Дзяржава будзе прадаваць акцыі гарамадзянам і калектывам за нацыянальныя грошы.

• Асноўная крыніца паступленьняў у бюджэт стане прыбытак, таму падаткі будуць зьняжацца.

• Кожны грамадзянін будзе уяўляць, за што плоціць падатак.

• Адкрыць усе шляхі да ўнутранага дзяржаўнага разьліку. Кожны працаўнік зможа зарабляць акцыі прадпрыемства ў дадатак да заробку.

• У індывідуальным прадпрымальніцтве трэба аднавіць права найму працаўнікоў.

• Павялічваць пэнсійны узрост ня будзем, але кожны пэнсіянэр зможа працаваць і атрымаліваць заробак.

• Кантракты будуць адмененыя.

• Умацуем дзяржаву без надрыву і гвалту.

• Бясплатнае мэдыцынскае абслугоўваньне будзе разьвівацца.

• Гарантую незалежную сыстэму права.

• Прызначэньне пракурораў і судзьдзяў будзе рабіцца парлямэнтам, а не прэзыдэнтам.

• Сяло і сельская гаспадарка — прадмет асаблівага клопату.

• Усе запазычанасьці па падатках і штрафах, фэрмэрам і СПК сьпішам.

• Прыбыткі на сяле будуць не ніжэйшымі, як у горадзе.

• Павысім прыбыткі настаўнікаў.

• Я не апазыцыйны дзейнаму прэзыдэнту, я таксама за моцную квітнеючую Беларусь.

• Прыкладу намаганьні каб аднавіць сяброўства з Расеяй.

• Усталюем прагматычныя сумленныя адносіны з Эўразьвязам.

• Калі вы абераце прэзыдэнтам Лукашэнку, я прапаную яму сваю праграму, але ці ён яе прыме?