Паводле крымінальна-працэсуальнага кодэксу, сёньня актывісту анархісцкага руху Cяргею Сьлюсару сьледчыя бабруйскай міліцыі павінны выставіць абвінавачаньне або выпусьціць яго на волю.
Сяргея трымаюць пад вартай у бабруйскім ізалятары часовага ўтрыманьня ад 17 кастрычніка. Яго затрымалі пасьля таго, як невядомыя ўначы з 16 на 17 кастрычніка кінулі дзьве бутэлькі з кактэйлем Молатава ў будынак бабруйскага КДБ.
Кватэру Сяргея Сьлюсара супрацоўнікі КДБ наведалі празь некалькі гадзін пасьля інцыдэнту. Бацькі заявілі, што іх сын быў разам зь імі дома і ня мог удзельнічаць у акцыі.
Сьледчыя правялі ператрус на кватэры Сяргея. Яны забралі вінчэстэр з кампутара, бутэльку растваральніку і некалькі дыскаў.
Хлопца затрымалі ў той самы дзень, сказаўшы бацькам, што празь некалькі гадзін яго выпусьцяць. У выніку Сяргея пратрымалі ўжо трое сутак.
Сьлюсара затрымлівалі 3 верасьня як падазронага ў справе, распачатай пасьля нападу на амбасаду Расейскай Фэдэрацыі, але 12 верасьня выпусьцілі без выстаўленьня абвінавачаньня.
Сяргея трымаюць пад вартай у бабруйскім ізалятары часовага ўтрыманьня ад 17 кастрычніка. Яго затрымалі пасьля таго, як невядомыя ўначы з 16 на 17 кастрычніка кінулі дзьве бутэлькі з кактэйлем Молатава ў будынак бабруйскага КДБ.
Кватэру Сяргея Сьлюсара супрацоўнікі КДБ наведалі празь некалькі гадзін пасьля інцыдэнту. Бацькі заявілі, што іх сын быў разам зь імі дома і ня мог удзельнічаць у акцыі.
Сьледчыя правялі ператрус на кватэры Сяргея. Яны забралі вінчэстэр з кампутара, бутэльку растваральніку і некалькі дыскаў.
Хлопца затрымалі ў той самы дзень, сказаўшы бацькам, што празь некалькі гадзін яго выпусьцяць. У выніку Сяргея пратрымалі ўжо трое сутак.
Сьлюсара затрымлівалі 3 верасьня як падазронага ў справе, распачатай пасьля нападу на амбасаду Расейскай Фэдэрацыі, але 12 верасьня выпусьцілі без выстаўленьня абвінавачаньня.