Другая ракетка сьвету, швайцарац Роджэр Фэдэрэр ізноў уразіў тэнісны сьвет. У сваім першым матчы на US Open Фэдэрэр паўтарыў фэнамэнальны ўдар паміж ног – амаль такі самы, што ўдаўся спартоўцу роўна год назад на корце ў Нью-Ёрку.
Фэдэрэр перагуляў аргентынца Брыяна Дабула 6:1, 6:4, 6:2.
“Ня думаю, што такія ўдары можна ў поўным сэнсе слова трэнаваць, – сказаў пасьля гульні швайцарац. – Натуральна, я не кажу: “А давай адпрацуем гэты ўдар”. Проста часам атрымліваецца. Не часьцей як адзін раз за трэнінг”.