Урад Японіі сёньня выступіў з заявай, у якой прынёс прабачэньні за часы мінулага каляніяльнага праўленьня Карэйскім паўвостравам. У сваёй заяве прэм’ер-міністар Японіі Наёта Кан выказаў глыбокае шкадаваньне з нагоды пакутаў, прычыненых каляніяльным кіраваньнем Японіі з 1910 па 1945 гады. Заява была ўхваленая левацэнтрысцкай Дэмакратычнай партыяй Японіі на ўрадавым пасяджэньні і прымеркаваная да адзначэньня ў Паўднёвай Карэі дня вызваленьня (15 жніўня 1945 году).
Паўднёвая Карэя вітала заяву японскага ўраду, выказаўшы спадзяваньне, што гэта можна азначаць пачатак новай эры цясьнейшых сувязяў паміж дзьвума краінамі.
Паўднёвая Карэя вітала заяву японскага ўраду, выказаўшы спадзяваньне, што гэта можна азначаць пачатак новай эры цясьнейшых сувязяў паміж дзьвума краінамі.