Муніцыпалітэт гораду Генуя надаў старшыні Праваабарончага цэнтру "Вясна" Алесю Бяляцкаму ганаровае грамадзянства.
Італьянская грамадзкасьць такім чынам выказала сваю занепакоенасьць сытуацыяй з правамі чалавека ў Беларусі, у прыватнасьці, наяўнасьцю сьмяротнага пакараньня, абмежаваньнем свабоды СМІ, грамадзянскіх і палітычных правоў, і падтрымку беларускім праваабаронцам, – паведамляе сайт праваабарончага цэнтру “Вясна”.
Ганаровае пасведчанне беларускаму праваабаронцу ўручыла мэр Генуі Марта Вінцэнзі (Marta Vincenzi). На цырымоніі ўганараваньня, якая праходзіла 15 ліпеня ў Палацы Турсі, прысутнічала грамадзкасьць Генуі, дэпутаты італьянскага парлямэнту, журналісты, моладзь.
Алесь Бяляцкі зазначае, што для яго гэтае ганаровае званьне – знак падтрымкі як незарэгістраванага ПЦ “Вясна”, так і ўсіх беларускіх праваабаронцаў і змагароў за дэмакратыю ў краіне.
Ганаровае грамадзянства Генуі надаецца аднаму чалавеку на год. Гэтага статусу ў розныя гады ўдастойваліся такія вядомыя ў сьвеце асобы, як экс-прэзыдэнт Польшчы, ляўрэат Нобэлеўскай прэміі сьвету Лех Валэнса (1990), экс-прэзыдэнт СССР Міхаіл Гарбачоў (1996), двойчы прэм’ер-міністар, прэзыдэнт Ізраілю, ляўрэат Нобэлеўскай прэміі сьвету Шымон Пэрэс (1998).
Італьянская грамадзкасьць такім чынам выказала сваю занепакоенасьць сытуацыяй з правамі чалавека ў Беларусі, у прыватнасьці, наяўнасьцю сьмяротнага пакараньня, абмежаваньнем свабоды СМІ, грамадзянскіх і палітычных правоў, і падтрымку беларускім праваабаронцам, – паведамляе сайт праваабарончага цэнтру “Вясна”.
Ганаровае пасведчанне беларускаму праваабаронцу ўручыла мэр Генуі Марта Вінцэнзі (Marta Vincenzi). На цырымоніі ўганараваньня, якая праходзіла 15 ліпеня ў Палацы Турсі, прысутнічала грамадзкасьць Генуі, дэпутаты італьянскага парлямэнту, журналісты, моладзь.
Алесь Бяляцкі зазначае, што для яго гэтае ганаровае званьне – знак падтрымкі як незарэгістраванага ПЦ “Вясна”, так і ўсіх беларускіх праваабаронцаў і змагароў за дэмакратыю ў краіне.
Ганаровае грамадзянства Генуі надаецца аднаму чалавеку на год. Гэтага статусу ў розныя гады ўдастойваліся такія вядомыя ў сьвеце асобы, як экс-прэзыдэнт Польшчы, ляўрэат Нобэлеўскай прэміі сьвету Лех Валэнса (1990), экс-прэзыдэнт СССР Міхаіл Гарбачоў (1996), двойчы прэм’ер-міністар, прэзыдэнт Ізраілю, ляўрэат Нобэлеўскай прэміі сьвету Шымон Пэрэс (1998).