Бліц-агляд падзеяў і тэмаў у Беларусі, сьвеце, гісторыі.
ОЙ...
...дождж і ў суботу, і ў нядзелю. Але тэмпэратура неблагая: 16 — 25 С.
НЕ ПРАХОДЗЬЦЕ МІМА:
26-27 чэрвеня
Агульнанацыянальнае сьвята і фэстываль сярэднявечнай культуры, прысьвечаныя 600-годзьдзю Грунвальдзкай бітвы, у Наваградку.
Фэстываль сярэднявечнай культуры "Камянецкая вежа 2010". Камянец, Берасьцейская вобласьць.
Паказ дакумэнтальных фільмаў аб правах чалавека. Магілёў, Грамадзкі цэнтар "Колесо", завулак Чкалава, 16. Пачатак а 18.30.
ТАМ ДЗЕ НАС НЯМА:
26-27 чэрвеня
Сустрэча дзяржаваў групы G20 у Таронта.
Прэзыдэнты Косава, Альбаніі, Македоніі і Чарнагорыі сустракаюцца ў Косаве.
Фэстываль be2gether каля сьценаў замку Нарвілішкес у Літве.
27 чэрвеня:
Канстытуцыйны рэфэрэндум у Кіргізстане.
ТАКСАМА Ў ГЭТЫ ДЗЕНЬ:
26 чэрвеня:
У 1863 у Вільні быў створаны Літоўска-Беларускі ўрад, які стаў кіраўнічым штабам паўстаньня 1863 году. Кіраваў урадам Якуб Гейштар, а ўваходзіў у яго сярод іншых і нацыянальны герой Беларусі Кастусь Каліноўскі.
У 1894 нарадзіўся ангельскі пісьменьнік Олдас Хаксьлі, аўтар вядомага раману-антыўтопіі "О дзіўны новы сьвет" (пам. 1963).
У 1954 у расейскім горадзе Обнінск каля Масквы пачала працаваць першая ў сьвеце атамная электрастанцыя.
У 1960 Мадагаскар атрымаў незалежнасьць ад Францыі.
27 чэрвеня:
У 1925 нарадзілася Лідзія Арабей, беларускі празаік, крытык, літаратуразнавец.
У 1944 у акупаваным немцамі Менску пачаўся Другі ўсебеларускі кангрэс, скліканы Беларускай цэнтральнай радай.
ЁСЬЦЬ НАГОДА:
26 чэрвеня:
Міжнародны дзень барацьбы супраць злоўжываньня наркотыкамі і іх нелегальнага абароту.
Міжнародны дзень у падтрымку ахвяраў катаваньняў.
27 чэрвеня:
Дзень моладзі ў Беларусі.
МІНУС 365:
Год таму на сайце Свабоды: "Зь Мікалаем ІІ ці без яго, так і не вырашылі".
ЦЫТАТЫ НА ПАМЯЦЬ:
"Інтэлектуал — гэта чалавек, які знайшоў адну рэч, цікавейшую за сэкс".
"Цнатлівасьць — найбольш ненатуральнае з усіх сэксуальных вычварэнстваў".
"Магчыма, гэты сьвет зьяўляецца пеклам для нейкай іншай плянэты".
"Навука нічога нам не растлумачыла: чым больш мы ведаем, тым больш фантастычным стаецца нам сьвет, і тым больш глыбокая цемра яго спавівае".
"Усе мы геніі, пакуль нам ня споўніцца дзесяць гадоў".
Олдас Хаксьлі