Сёньня раніцай актывісты Маладых Хрысьціянскіх Дэмакратаў і Моладзі БНФ адзначылі ўгодкі пачатку паўстаньня пад кіраўніцтвам Кастуся Каліноўскага 1863 года.
У некалькіх раёнах Менску (на вуліцах Сьвярдлова, Магілёўскай, Нямізе, праспэкце Дзяржынскага) на засьнежаных схілах актывісты зрабілі надпісы чырвонай фарбай: "1863 - АДВАГА", "1863 - ГОНАР", "1863 - ВОЛЯ", "1863 - ЖЫВЕ БЕЛАРУСЬ".
Як паведамляе прэсавая служба БХД, мэта акцыі – прыцягнуць увагу мінакоў да каштоўнасьцяў, за якія змагаліся нашыя славутыя продкі, і сьцьвердзіць пераемнасьць змаганьня за свабоду і незалежнасьць нашай Бацькаўшчыны.
