Украінцы ў Расеі абвяргаюць заявы прадстаўнікоў Партыі рэгіёнаў аб недахопе цікавасьці да вывучэньня ўкраінскай мовы сярод прадстаўнікоў украінскай дыяспары ў Маскве. Замест гэтага, як заявіў Радыё Свабода сустаршыня Аб'яднаньня ўкраінцаў у Расейскай Фэдэрацыі Валеры Сэмэнэнко, мясцовая супольнасьць адчувае палітычны ўціск з боку расейскіх уладаў, у выніку чаго пакутуюць і дзеці.
Па апячатанымі дзьвярыма ў цэнтры Масквы – ўкраінскія кнігі, дзіцячыя нацыянальныя строі і спадарожнікавае абсталяваньне, якое прымае тэлеканалы з Украіны. Вясной мінулага году маскоўскія ўлады забаранілі дзейнасьць Украінскага адукацыйнага цэнтра. Гэты цэнтар дзейнічаў пры мясцовай школе № 124 з 1995 году, а нядаўна быў адноўлены за сродкі ўкраінскіх прадпрымальнікаў, якія ўклалі ў абсталяваньне блізу 25 тысяч даляраў. Афіцыйная прычына закрыцьця – невыкананьне расейскага заканадаўства.
Поўны тэкст чытайце на сайце ўкраінскай службы Радыё Свабода.