Старшыня "Таварыства беларускай мовы імя Францыска Скарыны" Алег Трусаў просіць міністра адукацыі Аляксандра Радзькова забясьпечыць бесьперашкоднае карыстаньне беларускамоўнымі дзёньнікамі з малюнкамі помнікаў айчыннага дойлідзтва.
У лісьце ад 10 верасьня гаворыцца, што па ініцыятыве ТБМ Менская фабрыка каляровага друку Міністэрства інфармацыі для старэйшых клясаў агульнаадукацыйных школ другі год запар выдае дзёньнікі на дзяржаўнай беларускай мове, у афармленьні якіх выкарыстоўваюцца малюнкі помнікаў нацыянальнай гісторыка-культурнай спадчыны. Улічваючы, што гэтыя маляўніча аформленыя дзёньнікі ў мінулым навучальным годзе карысталіся вялікім попытам, сёлета фабрыка ўтрая павялічыла іх наклад і давяла яго да 75 тысячаў асобнікаў.
Спадар Трусаў са шкадаваньнем адзначае, што кіраўніцтва некаторых школ не дазваляе дзецям карыстацца такімі дзёньнікамі, бо яны, паводле меркаваньня чыноўнікаў, перагружаныя нацыянальнай сымболікай.
Спадар Трусаў са шкадаваньнем адзначае, што кіраўніцтва некаторых школ не дазваляе дзецям карыстацца такімі дзёньнікамі, бо яны, паводле меркаваньня чыноўнікаў, перагружаныя нацыянальнай сымболікай.