Сёньня ўранку гомельскія прадпрымальнікі, якія гандлююць півам, трэці раз запар пікетавалі аблвыканкам. Акцыя доўжылася блізу гадзіны. Прадпрымальнікі патрабуюць адмены рашэньня на забарону з 8 ліпеня прадаваць піва ў шапіках.
Стаўленьне да пікетоўцаў гэтым разам зьмянілася. Начальнік управы гандлю й паслуг аблвыканкаму Валяр’ян Бяспалы выказаў сумнеў, што прадпрымальнікі прыйшлі да аблвыканкаму добраахвотна. Ён папярэдзіў, што давядзецца шукаць завадатараў. Да гэтага ён дадаў, што адказ на зварот наконт абмежаваньня продажу піва ў шапіках прадпрымальнікі атрымаюць цягам месяца.
Асобныя бізнэсоўцы ставяць пытаньне пра магчымасьць рэалізаваць рэшту піва ў шапіках. Іх папярэджваюць: у такім разе яны будуць мець справу з падаткоўцамі й міліцэйскімі аддзеламі барацьбы з эканамічнымі злачынствамі.
Стаўленьне да пікетоўцаў гэтым разам зьмянілася. Начальнік управы гандлю й паслуг аблвыканкаму Валяр’ян Бяспалы выказаў сумнеў, што прадпрымальнікі прыйшлі да аблвыканкаму добраахвотна. Ён папярэдзіў, што давядзецца шукаць завадатараў. Да гэтага ён дадаў, што адказ на зварот наконт абмежаваньня продажу піва ў шапіках прадпрымальнікі атрымаюць цягам месяца.
Асобныя бізнэсоўцы ставяць пытаньне пра магчымасьць рэалізаваць рэшту піва ў шапіках. Іх папярэджваюць: у такім разе яны будуць мець справу з падаткоўцамі й міліцэйскімі аддзеламі барацьбы з эканамічнымі злачынствамі.